ᐊᐃᑉᐸᕇᖃᑎᖃᕈᒪᓕᕈᕕᑦ, ᐃᓕᖕᓂᒃ ᓴᐳᒻᒦᓐᓇᐅᔭᕆᐊᖃᖅᑐᑎᑦ ᐊᐃᑉᐸᕇᖕᓂᕐᒧᑦ ᖁᐱᕐᕆᓂᕐᒥ. ᐱᔭᕆᐊᖃᕐᒥᔪᑎᑦ ᓴᐳᒻᒥᓗᑎᑦ ᐃᓕᖕᓂᒃ ᓯᖓᐃᓕᖅᑕᐃᓕᒪᓗᑎᑦ ᐱᔭᕇᖅᓯᒪᓕᕈᕕᑦ ᑭᓯᐊᓂ ᓄᑕᕋᓛᖃᕈᓐᓇᕐᓂᕐᒥᒃ.
ᐅᓲᑉ ᐴᖏᑦ ᖃᓂᕐᒧᓪᓗ ᓴᐳᒻᒥᔾᔪᑏᑦ−ᐊᑐᒐᒃᓴᑦ ᐱᑎᑦᑎᓲᑦ ᑐᓗᕈᑎᓂᒃ−ᑐᓂᓯᓲᑦ ᐱᐅᓛᓂᒃ ᓴᐳᒻᒥᔾᔪᑎᓂᒃ ᐊᐃᑉᐸᕇᖕᓂᕐᒧᑦ ᖁᐱᕐᕆᓂᕐᒥ. ᐅᓲᑉ ᐴᖏᑦ ᐱᑎᑦᑎᓲᖑᖕᒥᔪᑦ ᐃᓚᖓᓂ ᓯᖓᐃᓕᙱᓐᓂᕐᒥᒃ.
ᐅᓄᖅᑐᑦ ᓯᖓᐃᓕᖅᑕᐃᓕᔾᔪᑎᑦ ᐄᔭᒃᑲᖏᑦ ᐊᑐᒐᒃᓴᑦ ᐱᑎᑦᑎᓲᑦ ᓴᐳᒻᒦᑎᑦᑎᖏᓐᓂᕐᒥᒃ ᐊᐃᑉᐸᕇᖕᓂᕐᒧᑦ ᖁᐱᕐᕈᖅᑖᕐᓂᕐᒥ. ᐅᓄᖅᑐᑦ ᐃᓄᐃᑦ ᐅᒃᐱᕈᓱᒃᑐᑦ ᐱᐅᓛᖑᔪᖅ ᐊᑐᒐᒃᓴᖅ ᑎᒥᒧᑦ ᑐᓗᕈᑎᐅᔪᖅ ᐃᓚᖃᕐᓗᓂ ᓯᖓᐃᓕᔾᔭᐃᒃᑯᑎᒥᒃ.
ᐅᕝᕙᐅᑯᐊ ᐊᑐᕐᐸᓪᓕᐊᔾᔪᑎᑦ ᐊᑐᕐᓂᐊᕐᓗᓂ ᐊᖑᑎᒧᑦ ᐅᓲᑉ ᐴᖓᓂᒃ:
ᐃᓱᓕᕝᕕᖓᑕ ᐅᓪᓗᐊ ᖃᐅᔨᒋᐊᓚᐅᕐᓗᒍ, ᐅᔾᔨᖅᓱᕐᓗᑎᑦ ᒪᒃᐱᕐᓗᒍ.
ᐱᒋᐊᕆᐊᓕᒃ ᐅᓱᖓ ᑎᓯᒡᓕᑎᓪᓗᒍ (ᑎᒃᓴᓗᓂ). ᐅᓲᑉ ᖄᖓ ᐅᕕᓂᒃ ᐸᐅᖓᖅᑎᓪᓗᒍ.
ᐅᓲᑉ ᐴᖓᑕ ᖄᖓᒍᑦ ᐳᔾᔪᒡᓗᒍ.
ᐊᒡᒐᕕᑦ ᐱᖃᑖᓄᑦ ᑕᒃᐸᐅᙵᖅᑎᑉᐸᓪᓕᐊᓗᒍ ᐅᓱᖕᓄᑦ ᐃᓕᓯᒪᔪᖅ.
ᒪᕿᐊᓂᒃᑯᕕᑦ, ᐅᓲᑉ ᐴᖓ ᐱᓯᒻᒥᓗᒍ ᐅᑦᑐᖕᒥᑦ ᐲᓕᕈᕕᐅᒃ ᒪᕿᕈᔪᖓ ᐊᓂᑎᑦᑕᐃᓕᓗᒍ. ᐅᔾᔨᖅᓱᕐᓗᒍ ᐲᖅᑎᓪᓗᒍ, ᐊᑖᒍᑦ ᑎᒍᒥᐊᕐᓗᒍ ᒪᕿᖓ ᐃᓗᐊᓃᑎᓐᓇᕐᓗᒍ.
ᐅᓲᑉ ᐴᖓ ᐊᑐᓵᖅᑐᖅ ᐊᒃᑕᕐᕕᖕᒧᐊᕐᓗᒍ, ᖁᕐᕕᖕᒧᐊᙱᓪᓗᒍ. ᐅᓲᑉ ᐴᖓᓂ ᐊᑐᐊᓂᒃᑐᒥᒃ ᐊᑐᒃᑲᓐᓂᖅᑕᐃᓕᑦᑎᐊᕆᑦ.
ᐴᑦ ᐊᑑᑎᖃᓛᖑᔪᑦ ᐊᑐᑦᑎᐊᕈᕕᒋᑦ. ᐊᑐᕐᓗᒋᑦ ᑖᒃᑯᐊ ᐊᑐᒐᒃᓴᑦ ᐱᖁᓪᓗᒍ ᓯᖓᐃᓕᖏᓪᓗᑎᑦ ᓴᐳᒻᒥᓗᑎᓪᓗ ᐊᐃᑉᐸᕇᖕᓂᕐᒧᑦ ᖁᐱᕐᕆᓂᕐᒥ.
ᐃᓚᖏᑦ ᐃᓄᐃᑦ ᐱᐅᒋᒋᑕᖃᕐᒪᑕ ᐃᓚᕈᑎᓕᖕᒥ ᐴᕐᓂᑦ. ᖃᐅᔨᒪᓇᕈᑎᖏᑦ ᐱᐅᒃᓴᙱᓐᓂᕐᒧᑦ ᐃᓚᐅᑎᑦᑎᔪᑦ ᐆᓐᓂᕐᒥ, ᐅᖏᓚᖕᓂᕐᒥ, ᐳᓪᓕᕐᓂᕐᒥᒃᓘᓐᓃᑦ ᐊᑐᓚᐅᖅᑎᓪᓗᒋᑦ ᐴᕐᒥ. ᐃᒡᕕᑦ ᐱᖃᑏᓪᓘᓐᓃᑦ ᐃᓱᒪᒃᐸᑦ ᐱᐅᒃᓴᙱᓐᓇᓱᒋᓗᓂ, ᐊᑐᕆᐊᖔᕐᓗᒋᑦ ᐃᓚᕈᑎᖃᙱᑦᑐᑦ ᐴᑦ. ᐅᖃᐅᔾᔨᓗᓂ ᐃᓗᐊᖅᓴᐃᔨᒥᒃ ᐃᑲᔪᖅᑕᐅᔪᒪᓗᓂ ᓈᒻᒪᒋᔭᖏᓐᓄᑦ.
ᐊᕐᓇᒧᑦ ᐴᖅ ᐅᖅᓱᖅᑎᕈᑎᖅᓯᒪᕙᒌᖅᑐᖅ ᓱᓪᓗᓕᖓᐅᔭᔪᖅ, ᓇᒡᒍᐊᕐᒥᙳᐊᖃᕐᖢᓂ ᐃᓱᖏᒃᑎᒍ, ᒪᑐᓯᒪᓪᓗᓂᓗ ᐱᖃᑖᑕ ᐃᓱᐊᒍᑦ. ᐱᓲᖅ ᖃᐸᒃᒥ ᒪᕿᓚᐅᙱᑎᓪᓗᒍ, ᒪᕿᑎᓪᓗᒍ, ᒪᕿᐊᓂᒃᑎᓪᓗᒍᓗ.
ᐃᓱᓕᕝᕕᖓᑕ ᐅᓪᓗᐊ ᖃᐅᔨᒋᐊᓚᐅᕐᓗᒍ, ᐅᔾᔨᖅᓱᕐᓗᑎᑦ ᒪᒃᐱᕐᓗᒍ.
ᐱᐊᒍᑎᓕᒃᑲᓐᓂᕈᓐᓇᖅᑐᖅ.
ᓇᒡᒍᐊᕐᒥᖓ ᓇᕿᓯᒪᓗᒍ ᐃᓱᐊᒍᑦ.
ᐅᑦᑐᒃᐱᑦ ᐃᓗᐊᓄᐊᕐᓗᒍ ᓲᕐᓗ ᐃᖢᐊᕈᑎᑎᑐᑦ.
ᑎᑮᑦ ᐃᓗᐊᓄᑦ ᐴᕐᓗᒍ ᓇᒡᒍᐊᕐᒥᖓᓗ ᑕᐅᓄᖓᓕᒫᑦᑎᐊᖅ ᐊᔭᒡᓗᒍ. ᐅᐃᔾᔮᖅᑎᑦᑕᐃᓕᓗᒍ ᐴᖅᑕᐃᑦ. ᓯᓚᑖᓃᑦᑐᖅ ᓇᒡᒍᐊᕐᒥᒃ ᐅᑦᑐᒃᐱᑦ ᓯᓚᑖᓃᖏᓐᓇᕐᓗᒍ.
ᑯᔭᒃᑎᓪᓗᓯ, ᐅᓱᖓ ᐴᖅᑎᑦᑎᐊᕐᓗᒍ. ᐅᑦᑑᑉ ᐴᖓᑕ ᐊᒻᒪ ᐅᑦᑐᒃᐱᑦ ᐊᑯᓐᓂᖓᓄᐊᖅᑎᑦᑕᐃᓕᓗᒍ. ᐊᒻᒪᓗ, ᐅᑦᑑᑉ ᐴᖓ ᐅᑦᑐᒃᐱᑦ ᐃᓗᐊᓄᑦ ᐊᔭᒃᑕᐃᓕᓗᒍ.
ᑯᔮᓂᒃᑯᔅᓯ, ᐅᔾᔨᖅᓱᕐᓗᒍ ᐲᖅᑎᓪᓗᒍ ᐴᖅ. ᓯᓚᑖᓃᑦᑐᖅ ᓇᒡᒍᐊᕐᒥᖓ ᐅᐃᔾᔮᖅᑎᓪᓗᒍ ᒪᕿᖓ ᐊᓂᑎᑦᑕᐃᓕᒪᓗᒍ ᐊᒻᒪᐃᓛᒃ ᓱᒃᑲᐃᑦᑐᒥᑦ ᐊᓂᑎᑉᐸᓪᓕᐊᓕᕐᓗᒍ.
ᐊᑐᓵᑕᓯ ᐴᖅ ᐊᒃᑕᕐᕕᖕᒧᐊᕐᓗᒍ, ᖁᕐᕕᖕᒧᐊᙱᓪᓗᒍ. ᐴᕐᒥᒃ ᐊᑐᐊᓂᒃᑐᒥᒃ ᐊᑐᒃᑲᓐᓂᖅᑕᐃᓕᑦᑎᐊᕆᑦ.
ᐊᔪᕈᓐᓃᖅᓴᕐᓗᑎᑦ ᐃᓕᓯᓂᕐᒥ ᐴᕐᒥ ᐅᑦᑐᖕᓄ, ᐊᑐᓚᐅᙱᓐᓂᕐᓂ ᓯᕗᓪᓕᖅᐹᒥ ᐊᐃᑉᐸᕇᖃᑎᑲᖅᑎᓪᓗᑎᑦ. ᓇᓂᓯᓗᑎᑦ ᐃᖢᐊᕆᔭᕐᓂᒃ ᐋᖅᑭᐅᒪᓂᕐᒥ−ᐊᓪᓛᖓᓗᓂ ᐃᖏᕐᓚᐅᔭᖅᓯᒪᓗᓂ, ᓇᓪᓚᖓᓗᓂ, ᓇᖏᕐᓗᓂᓘᓐᓃᑦ ᐃᓯᒐᒃᐱᑦ ᐃᒡᓗᐊ ᐃᒃᑎᕙᐅᑕᕐᒦᓪᓗᓂ. ᐃᓗᐊᓃᑎᑦᑎᔪᓐᓇᖅᑐᑎᑦ ᐴᕐᒥᒃ ᑎᑭᓪᓗᒍ 8 ᐃᑲᕐᕋᑦ ᐊᐃᑉᐸᕇᖃᑎᖃᓚᐅᙱᓐᓂᕐᓂ.
ᐴᑦ ᐊᑑᑎᖃᓛᖑᔪᑦ ᐊᑐᑦᑎᐊᕈᕕᒋᑦ. ᐊᑐᕐᓗᒋᑦ ᑖᒃᑯᐊ ᐊᑐᒐᒃᓴᑦ ᐱᖁᓪᓗᒍ ᓯᖓᐃᓕᖏᓪᓗᑎᑦ ᓴᐳᒻᒥᓗᑎᓪᓗ ᐊᐃᑉᐸᕇᖕᓂᕐᒧᑦ ᖁᐱᕐᕆᓂᕐᒥ.
ᐃᓚᖏᑦ ᐃᓄᐃᑦ ᐱᐅᒋᒋᑕᖃᕐᒪᑕ ᐃᓚᕈᑎᓕᖕᒥ ᐴᕐᓂᑦ. ᖃᐅᔨᒪᓇᕈᑎᖏᑦ ᐱᐅᒃᓴᙱᓐᓂᕐᒧᑦ ᐃᓚᐅᑎᑦᑎᔪᑦ ᐆᓐᓂᕐᒥ, ᐅᖏᓚᖕᓂᕐᒥ, ᐳᓪᓕᕐᓂᕐᒥᒃᓘᓐᓃᑦ ᐊᑐᓚᐅᖅᑎᓪᓗᒋᑦ ᐴᕐᒥ. ᐃᒡᕕᑦ ᐱᖃᑏᓪᓘᓐᓃᑦ ᐃᓱᒪᒃᐸᑦ ᐱᐅᒃᓴᙱᓐᓇᓱᒋᓗᓂ, ᐊᑐᕆᐊᖔᕐᓗᒋᑦ ᐃᓚᕈᑎᖃᙱᑦᑐᑦ ᐴᑦ. ᐅᖃᐅᔾᔨᓗᓂ ᐃᓗᐊᖅᓴᐃᔨᒥᒃ ᐃᑲᔪᖅᑕᐅᔪᒪᓗᓂ ᓈᒻᒪᒋᔭᖏᓐᓄᑦ.
ᖃᓂᕐᒧᑦ ᓴᐳᒻᒥᔾᔪᑎ ᓴᐳᒻᒥᒃᖠᕈᓐᓇᖅᑐᖅ ᐃᓕᖕᓂᒃ ᐅᓄᖅᑐᓄᑦ ᐊᐃᑉᐸᕇᖕᓂᕐᒧᑦ ᖁᐱᕐᕈᓂᒃ. ᒪᑐᓯᒪᓪᓗᒍ ᐅᑦᑐᒃ ᐃᑎᕐᓘᓐᓃᑦ ᖃᓂᒃᑯᑦ ᐊᐃᑉᐸᕇᖕᓂᕐᒥ. ᒪᓕᒃᓗᒋᑦ ᐅᑯᐊ ᐊᔪᕐᓇᙱᑦᑐᑯᓗᐃᑦ ᒪᓕᒋᐊᖃᖅᑐᑦ ᓇᖕᒥᓂᖅ ᓴᓇᓗᑎᑦ. ᑭᔾᔭᐃᑎᖃᕆᐊᖃᖅᑐᑎᑦ ᐊᖑᑎᓄᓪᓗ ᐴᕐᒥ.
ᐃᓱᓕᕝᕕᖓᑕ ᐅᓪᓗᐊ ᖃᐅᔨᒋᐊᓚᐅᕐᓗᒍ ᐅᓲᑉ ᐴᖓᓃᑦᑐᖅ.
ᐊᑖᓂ ᑭᔾᔭᕐᓗᒍ ᐊᒻᒪ ᐅᓲᑉ ᐴᖓᑕ ᐊᑖᓃᑦᑐᖅ ᑭᐱᓗᒍ, ᑭᑉᐹᕆᒃᓯᑎᓪᓗᒍ ᐅᕝᕙᓘᓐᓃᑦ ᑐᐊᓯᐅᒪᓕᖅᑎᓪᓗᒍ.
ᖃᓂᕐᒥᑦ ᓴᐴᓗᑕᕐᒥᑦ ᐊᑎᓂᐊᓕᕈᕕᑦ, ᑕᓯᑎᓪᓗᒍ ᐅᑦᑐᒃᑯᑦ ᐅᕝᕙᓘᓐᓃᑦ ᐃᑎᒃᑯᑦ ᐃᓕᑦᑎᐊᕆᐊᕐᓗᒍ. ᐊᐃᑉᐸᖅᐱᓪᓘᓐᓃᑦ ᐃᒡᕕᓪᓘᓐᓃᑦ ᐱᓯᒥᑦᑎᐊᖏᓐᓇᕆᐊᖃᖅᑕᖓ ᑕᕝᕗᖓ, ᐊᑐᕈᓐᓇᔾᔮᙱᑦᑐᖅ ᐱᓯᒻᒥᙱᒃᑯᓂ. ᖃᓂᕐᒥᑦ ᓴᐴᓗᑕᒥᑦ ᐊᑐᒃᑲᓐᓂᖃᑦᑕᙱᓪᓗᓯ ᐅᕝᕙᓘᓐᓃᑦ ᐃᒡᓗᐊᓄᑦ ᓵᑎᑉᐸᙱᓪᓗᒍ.