ᓄᓕᐊᕐᓂᖅ ᐊᒥᓱᓂᒃ ᑐᑭᖃᕐᑐᖅ.
| ᐅᑦᓱᑯᑦ ᓄᓕᐊᕐᓂᖅ | ᐅᓱᒃ ᐅᕝᕙᓗᓗᓐᓃᑦ ᐅᓱᖕᖑᐊᖅ ᐅᑦᓲᑉ ᐃᓗᐊᓅᕐᓱᓂ. |
| ᖃᓂᒃᑯᑦ ᓄᓕᐊᕐᓂᖅ | ᐊᕐᓇᒥᒃ ᐊᖑᑎᒥᓪᓘᓃᑦ ᖃᓂᕐᒥᓄᑦ ᐅᖃᕐᒥᓄᓪᓗ ᓄᓕᐊᕐᓂᔪᖅ. |
| ᐃᑎᒃᑯᑦ ᓄᓕᐊᕐᓂᖅ | ᐅᓱᒻᒧᑦ ᐅᓱᖕᖑᐊᒧᓪᓘᓃᑦ ᐃᑎᒃᑯᑦ ᓄᓕᐊᕐᑕᖅ. |
| ᐅᓯᕐᑎᕋᓂ ᐃᖐᕐᑕᓂᖅ | ᓇᓕᒃᑳᒥᓂᒃ ᐊᑦᑑᔭᕐᑎᓯᔫᒃ ᐅᓯᖕᖓᒐᑎᒃ ᐅᕕᓂᓕᔮᕋᑎᒃ. |
| ᐊᒡᒐᒥᓄᑦ ᓄᓕᐊᕐᓂᓂᖅ | ᐊᒡᒐᒥᓄᑦ ᓄᓕᐊᕐᓂᔪᖅ ᓇᓕᒃᑳᖓᓂᒃ ᐊᑦᑑᔭᕐᓱᓂ ᐊᕐᓇᒥᒃ ᐊᖑᑎᒥᓪᓘᓃᑦ. |
| ᖃᐯᕐᑎᓂᖅ | ᐃᒻᒥᓂᒃ ᐊᑦᑑᔭᕐᓱᓂ ᓄᓕᐊᕐᑐᖅ. |
ᐅᑦᓱᑯᑦ, ᐅᖃᕐᒧᑦ, ᐃᑎᒃᑯᓗ ᓄᓕᐊᕈᓰᑦ ᐋᓐᓂᐊᑕᕈᑎᐅᒍᓐᓇᑐᐃᓐᓀᑦ. ᐅᑦᓱᑯᓪᓗ ᓄᓕᐊᕐᑕᐅᑐᐊᕋᒥ ᐱᐊᕋᑦᓴᑖᕈᓐᓇᓱᓂ. ᐱᐊᕋᕐᑖᑌᓕᒍᓐᓇᑐᖅ ᐋᓐᓂᐊᑖᕐᑌᓕᓗᓂᓗ ᓄᓕᐊᖃᑦᑕᖏᓪᓗᓂ. ᓄᓕᐊᖃᑦᑕᕈᕕᑦ, ᓴᐳᒻᒥᒋᐊᖃᕐᖁᑎᑦ ᓇᒻᒥᓂᖅ.
ᖃᐯᕐᑎᓂᖅ
ᖃᐯᕐᑎᓂᖅ ᑐᑭᖃᕐᑐᖅ ᓇᒻᒥᓂᖅ ᐊᑦᑑᔭᕐᓱᓂ ᓄᓕᐊᕐᑐᑎᑐᑦ ᐊᓕᐊᓱᐊᔪᖅ. ᐱᐅᓯᑐᐃᓐᓇᖅ ᐊᕐᓇᓄᑦ ᐊᖑᑎᓄᓪᓗ ᐊᑑᑎᔭᐅᓲᖅ ᐊᓕᐊᓇᕐᓂᖓᓂᒃ ᐃᓱᐃᒋᔭᒥᓂᓪᓗ ᖃᐅᔨᒍᑎᐅᑦᓱᓂ.
ᖃᐯᕐᑎᓂᖅ ᐊᑑᑎᔭᐅᓲᑐᖃᖅ; ᐃᓘᓐᓇᖏᑦ ᑌᒣᓲᑦ - ᐊᖑᑏᑦ ᐊᕐᓀᓗ. ᓈᒻᒪᓈᕐᑐᒥᒃ ᓈᒻᒪᓈᖕᖏᑐᒥᓪᓗ ᖃᐯᕐᑎᒍᓯᖃᖕᖏᑐᖅ. ᐃᓅᑉ ᓇᒻᒥᓂᖅ ᑐᑭᑖᕈᑎᒋᓲᖓ. ᖃᐅᔨᒐᓱᐊᕐᓂᖅ; ᐊᓕᐊᓇᕐᑐᒥᒃ ᓇᒻᒥᓂᖅ ᐊᑑᑎᒍᑎᒋᑦᓱᒍ ᐃᓱᐊᕐᑑᓱᓂᓗ ᐃᓕᓐᓄᑦ.
ᐃᓄᒻᒪᕆᐅᓗᐊᕐᑐᖃᖕᖏᑐᖅ ᐅᕕᒃᑲᐅᓗᐊᕐᑐᖃᕋᓂᓗ ᖃᐯᕐᑎᑐᓂᒃ. ᐅᕕᒃᑫᑦ ᑎᒥᒥᓂᒃ ᖃᐅᔨᒐᓱᐊᓲᖑᒻᒪᑦ. ᐱᕈᕐᐸᓕᐊᓂᕐᒥᓂ ᑎᒥᖓᑕ ᐊᓯᑦᔨᐸᓪᓕᐊᓂᖓᓂ, ᑎᒥᖓᑕ ᑎᓕᐅᕆᔨᖏᑦ ᖃᐯᕐᑎᓂᕐᒥᒃ ᐊᑐᕋᓕᕆᒍᑎᒋᓲᖏᑦ. ᐱᐅᓯᑐᐃᓐᓇᖅ ᖃᓄᐃᒐᓂᓗ.
ᖃᐯᕐᑎᓂᖅ ᐊᑦᑕᓇᖕᖏᓂᐹᖅ ᐃᓕᓐᓄᑦ ᓄᓕᐊᕈᓯᐅᑦᓱᓂ. ᐱᐊᕋᑦᓴᑖᕈᓐᓇᖏᑦᑐᑎᑦ ᐋᓐᓂᐊᑖᕈᓐᓇᓇᓪᓗ. ᒪᕐᕉᒃ ᑕᑯᓐᓇᐅᑎᓗᑎᒃ ᖃᐯᕐᑎᕈᓐᓇᒥᔫᒃ ᐊᖏᖃᑎᒌᑦᓯᒪᓗᑎᒃ.