ᐊᒃᑐᖅᑕᐅᔪᑦ ᖃᓄᐃᒃᓴᕐᓇᙱᑦᑐᑦ ᐊᒻᒪ ᐊᒃᑐᖅᑕᐅᔭᕆᐊᖃᙱᑦᑐᑦ
ᐊᒃᑐᖅᑕᐅᓪᓗᓂ ᖃᓄᐃᒃᓴᕐᓇᙱᑦᑐᒃᑯᑦ ᖃᓄᐃᙱᑦᑎᐊᖅᑐᖅ. ᐃᑦᑐᒃᑯᖏᓐᓂᒃ ᑯᓂᒃᑕᐅᒐᓗᐊᖅᐸᑦ ᐅᕝᕙᓘᓐᓃᑦ ᐱᖃᓐᓇᕆᔭᒥᓂᒃ ᓄᑲᕐᒥᓂᒡᓘᓐᓃᑦ ᐃᕿᑕᐅᒐᓗᐊᖅᐸᑦ. ᐊᒃᑐᖅᑕᐅᔭᕆᐊᖃᙱᑦᑐᒃᑯᑦ ᐊᒃᑐᖅᑕᐅᓪᓗᓂ ᐃᖢᕆᓐᓇᙱᑦᑐᖅ ᐅᕝᕙᓘᓐᓃᑦ ᓇᓗᓕᕐᓇᖅᑐᖅ.
ᐃᕝᕕᑐᐊᑦᑎᐊᖅ ᐱᔪᓐᓇᕐᓂᖃᖅᐳᑎᑦ ᐊᒃᑐᖅᑕᐅᔭᕆᐊᖃᙱᑦᑐᒃᑯᑦ ᐊᒃᑐᖅᓯᒋᐊᒃᓴᖅ. ᐊᖏᖅᓯᒪᙱᑎᓪᓗᑎᑦ ᑭᓇᑐᐃᓐᓇᑦᑎᐊᒧᑦ ᐊᒃᑐᖅᑕᐅᔭᕆᐊᖃᙱᑦᑎᐊᖅᑐᑎᑦ. ᐃᓐᓇᖅ ᓄᑕᖅᑲᒥᒃ ᐊᒃᑐᖅᓯᒃᐸᑦ ᓄᑕᖅᑲᒥᒃ ᓄᓕᐊᕐᓂᒃᑯᑦ ᐊᒃᑐᖅᓯᓂᕐᓗᒃᐳᖅ ᐅᑭᐅᖃᑐᐊᖅᐸᑦ 16 ᑐᖔᓂ.
ᒪᒃᑯᒃᓯᕙᓪᓕᐊᓪᓗᓂ ᐱᒻᒪᕆᐅᕗᖅ ᒪᒃᑯᒃᑯᑐᓄᑦ ᖃᐅᔨᕙᓪᓕᐊᓕᖅᑎᓪᓗᒋᑦ ᓇᐅᒃᑯᑦ ᐃᓅᓯᕐᒥᓂᒃ ᑭᒃᑯᓕᒫᓄᑦ ᖃᐅᔨᒪᔭᐅᔭᕆᐊᖃᙱᑦᑐᓂᒃ. ᐃᑲᔫᑎᒋᔪᓐᓇᕐᒪᔾᔪᒃ ᐊᓯᖏᓪᓗ ᐊᑦᑕᕐᓇᖅᑐᒧᐊᖅᑕᐃᓕᓂᕐᒧᑦ.
|
ᐃᓄᒋᐊᒃᑐᒃᑯᕖᑦ
- ᐃᓕᓐᓂᐊᕐᕖᑦ, ᐃᓕᓐᓂᐊᕐᕕᐊᕈᓰᑦ
- ᑐᒃᓯᐊᕐᕖᑦ
- ᐃᓄᒋᐊᒃᑐᒃᑯᕖᑦ ᐊᓇᕐᕖᑦ
- ᐱᙳᐊᕐᕖᑦ
- ᐅᖃᓕᒫᒐᖃᕐᕖᑦ
- ᓂᐅᕕᕐᕖᑦ
|
ᐃᓛᒃᑰᖅᑐᑦ ᐃᒡᓗᐃᑦ
|
|
ᐃᓄᒋᐊᓂᒃ ᐱᐅᓯᕆᔭᐅᔪᑦ
- ᐃᒐᑎᓪᓗᒋᑦ
- ᑕᓚᕖᓴᖅᑎᓪᓗᒋᑦ
- ᐃᓕᓐᓂᐊᕆᐊᖅᑎᓪᓗᒋᑦ
- ᓂᐅᕕᕋᕆᐊᖅᑎᓪᓗᒋᑦ
- ᐃᖃᐃᓕᓴᖅᖢᑎᒃ ᐱᙳᐊᕆᐊᖅᑐᖅᑎᓪᓗᒋᑦ
|
ᐃᓛᒃᑯᑦ ᐱᐅᓯᕆᔭᐅᔪᑦ
- ᐊᓇᕐᕕᓕᐊᕐᓗᓂ
- ᐅᙲᔭᕐᓗᓂ
- ᓴᐅᕙᖃᕐᓗᓂ
- ᐊᓐᓄᕌᖅᑐᕐᓗᓂ ᐅᕝᕙᓘᓐᓃᑦ ᐊᓐᓄᕋᐃᔭᖅᑎᕐᓗᓂ
- ᐊᑯᓐᓈᒃᑭᒃ ᐊᒃᑐᐊᓗᒋᒃ/ᑎᒃᓴᖅᓴᕐᓗᑎᑦ
|
|
ᐃᓄᖕᓅᖓᔪᑦ ᑎᒦᑦ ᑭᓱᑯᑦᑎᖏᑦ
- ᑎᒥᔅᓯᓐᓃᑦᑐᑦ ᑕᑯᒃᓴᐅᑎᑦᑐᓐᓇᖅᑕᓯ ᐃᓄᒋᐊᒃᑐᒃᑯᕕᖕᓂ −ᓂᐊᖁᖅ, ᐊᒡᒐᒃ, ᑕᓕᖅ
- ᑎᒥᔅᓯᓐᓃᑦᑐᑦ ᐃᓅᖃᑎᔅᓯᓐᓄᑦ ᐊᒃᑐᖅᑕᐅᒐᓗᐊᕐᓗᑎᒃ ᖃᓄᐃᒃᓴᕐᓇᕆᙱᑕᓯ (ᑎᒎᑎᓂᖅ, ᐊᒡᒐᒃᓯ ᑲᓲᑎᖃᑦᑕᐅᑎᓗᒋᑦ, ᑐᓄᒃᑯᑦ ᐸᑕᒪᔪᒃᑕᐅᓂᖅ).
- ᑭᒃᑯᓕᒪᑦ ᐊᔾᔨᒋᙱᑦᑐᓂᒃ ᐃᓱᒪᖃᕐᒪᑕ ᑎᒥᖏᓐᓂᒃ ᑭᓱᑯᑦᑎᖏᑦ ᐊᓯᒥᓄᑦ ᐊᒃᑐᖅᑕᐅᒐᓗᐊᕐᓗᑎᒃ ᖃᓄᐃᒃᓴᙱᑦᑐᓐᓇᕐᒪᑕ ᐊᐱᕆᔭᐅᙱᒃᑲᓗᐊᕐᓗᑎᒃ. ᐊᐱᕆᖅᑳᕐᓗᓂ ᓈᒻᒪᓛᖑᐃᓐᓇᐅᔭᖅᐳᖅ.
|
ᑎᒥᑦᑕ ᑭᓱᑯᑦᑎᖏᑦ ᑕᑯᒃᓴᐅᑎᙱᑦᑐᓐᓇᖅᑕᕗᑦ
- ᐳᐃᔾᔪᕌᕐᓂᐊᕐᓗᓂ ᑕᓕᑎᓯᒪᔭᕆᐊᓖᑦ ᐅᕝᕙᓘᓐᓃᑦ ᐊᑯᓐᓈᑦ−ᐊᕐᓇᐃᑦ ᐊᖑᑏᓪᓗ ᕿᑐᕐᖏᐅᕈᓐᓇᐅᑎᖏᑦ ᑎᒥᖏᓐᓃᑦᑐᑦ
- ᐃᓅᑉ ᐃᓱᒪᒋᑐᐊᖅᐸᒍ ᐊᓯᒥᓄᑦ ᑕᑯᔭᐅᔭᕆᐊᖃᙱᓐᓂᖓᓂᒃ
- ᐃᓅᖃᑎᒥᓄᑦ ᑕᑯᔭᐅᔭᕆᐊᖃᙱᑦᑐᑦ ᑎᒥᖕᓃᑦᑐᑦ ᑕᓕᑎᓯᒪᔭᕆᐊᖃᖅᐳᑦ ᐃᓄᒋᐊᒃᑐᒃᑯᕕᖕᒥ
- ᑭᒃᑯᑐᐃᓐᓇᓄᑦ ᐊᒃᑐᖅᑕᐅᔭᕆᐊᖃᙱᑦᑐᑦ ᑎᒥᔅᓯᓐᓂ ᑲᙳᒋᔭᓯ ᐊᐱᕆᔭᐅᓚᐅᙱᑎᓪᓗᓯ
|
