ᑎᒍᐊᖅᑎᑦᓯᓂᖅ

ᐱᖑᓱᓪᓗᐊᑕᕐᓂᒃ ᐊᔾᔨᒌᙱᑦᑐᓂᑦ ᑎᒍᐊᖅᑎᑦᓯᓂᕐᒧᑦ ᐱᑕᖃᖅᑐᖅ ᓄᓇᕗᒻᒥ:

  • ᓇᒻᒥᓂᖅ ᐅᕝᕙᓘᓐᓃᑦ “ᐱᓕᕆᕝᕕᑎᒍᑦ” ᑎᒍᐊᖅᑕᐅᑎᑦᓯᓂᕐᒥᑦ — ᐃᓄᓕᕆᔨᒃᑯᑦ ᐱᓕᕆᕝᕕᖓᑎᒍᑦ
  • ᐃᓕᖅᑯᓯᒃᑯᑦ ᑎᒍᐊᖅᑎᑦᓯᓂᖅ
  • ᑕᕆᐅᑉ ᐊᑭᐊᓄᑦ ᑎᒍᐊᖅᑎᑦᓯᓂᖅ

ᐃᓕᖅᑯᓯᒃᑯᑦ ᑎᒍᐊᖅᑎᑦᓯᓃᑦ ᐊᑐᖅᑕᐅᓂᖅᐹᓲᑦ ᑎᒍᐊᖅᑎᑦᓯᓂᕐᒥᑦ ᓄᓇᕗᒻᒥ. ᐊᑐᖅᑕᐅᒐᔪᓲᖅ ᑕᒪᑯᓄᙵ ᒪᕐᕉᓐᓄᑦ ᐃᓚᒌᖑᔪᓄᑦ ᖃᐅᔨᒪᖃᑦᑕᐅᑎᔪᓄᑦ ᐊᒻᒪᓗ/ᐅᕝᕙᓘᓐᓃᑦ ᑐᓴᐅᒪᑎᑕᐅᓂᒃᑯᑦ ᓄᓇᓕᐅᔪᒥ. ᑕᐃᒪᐃᒐᔪᓲᖅ, ᒪᓕᒐᓕᕆᔩᑦ ᐊᒻᒪᓗ ᐃᓄᓕᕆᔩᑦ ᐱᖃᑕᐅᕙᙱᑦᑐᑦ ᐱᓕᕆᑎᓪᓗᒋᑦ. ᐃᓄᒋᐊᑦᑐᑦ ᐊᑐᖔᕈᒪᓲᑦ ᐃᓕᖅᑯᓯᒃᑯᑦ ᑎᒍᐊᖅᑎᑦᓯᓂᕐᒥᑦ ᓱᕈᓰᑦ ᓄᓇᓕᖏᓐᓃᖁᔭᐅᓪᓗᑎ ᐊᒻᒪᓗ ᑭᓇᐅᓂᕐᒥᓂᒃ ᐊᒻᒪᓗ ᐱᖅᑯᓯᕐᒥᓂᒃ ᖃᐅᔨᒻᒪᑦᑎᐊᓂᐊᕐᒪᑕ.

ᓄᓇᕗᑦ ᒐᕙᒪᒃᑯᑦ ᑲᒪᕙᙱᑦᑐᑦ ᐃᓕᖅᑯᓯᑎᒍᑦ ᑎᒍᐊᖅᑎᑦᓯᓂᕐᒥᑦ, ᐱᓕᕆᓇᓱᐊᖅᑑᒐᓗᐊᑦ ᓴᖅᑭᑎᑦᓯᒍᒪᓪᓗᑎᒃ ᐊᑐᖅᑕᐅᖔᕈᓐᓇᖅᑐᓂᒃ ᐃᓚᒌᓄᑦ ᑲᒪᒋᔭᖃᕐᓂᕐᒧᑦ ᐱᓕᕆᐊᑦᓴᒥᒃ. ᑐᓴᕆᐊᒃᑲᓂᕈᒪᒍᕕᑦ, ᐅᖃᖃᑎᖃᕐᓗᑎ ᓄᓇᓕᒻᒥ ᐃᓄᓕᕆᔨᒥ ᓄᓇᓕᒋᔭᓐᓂ ᐅᕝᕙᓘᓐᓃᑦ ᖃᐅᔨᒋᐊᕐᕕᒋᓗᒍ ᑎᒍᐊᖅᑎᓕᕆᔨᒻᒪᕆᒻᒥᒃ (1-867-975-5232).