• ᐊᓂᕐᕋᖅ
  • ᓄᓕᐊᕐᓂᖅ
  • ᓄᓕᐊᕐᓂᐅᑉ ᓯᕗᓂᖓᒍᑦ

ᓄᓕᐊᕐᓂᒨᑦ ᐊᑐᐃᓐᓇᐅᕗᖓ ?

ᑖᑦᓱᒥᖓ ᑭᐅᒍᓐᓇᑐᑑᔪᑎᑦ. ᐅᑉᐱᕆᔭᕐᓄᑦ ᐅᖄᒍᕕᑦ ᐱᐅᔫᒐᔭᕐᑐᖅ - ᐃᓚᓐᓄᑦ, ᐃᓚᓐᓈᓄᑦ, ᐋᓐᓂᐊᓯᐅᕐᑎᒧᑦ, ᐃᑲᔪᕐᑎᒧᑦ ᐅᕝᕙᓗᓗᓐᓃᑦ ᐃᓕᓐᓂᒃ ᑲᖐᒋᔭᖃᑦᓯᐊᑐᒧᑦ.

ᓇᒻᒥᓂᖅ ᐊᐱᕆᓗᑎᑦ; ᐃᓱᒪᑦᓴᓯᐅᑦᓯᐊᕆᐊᖃᕐᑐᑎᑦ ᖃᓄᖅ ᓄᓕᐊᕐᓂᖅ ᑐᑭᖃᕐᒪᖔᑦ.

ᓄᓕᐊᕈᒪᓪᓚᕆᒃᑯᖔ ?

ᓄᓕᐊᕐᓂᖅ ᑎᒥᒃᑯᑦ ᐊᑑᑎᓂᑐᐃᓐᓇᐅᖏᑦᑐᖅ. ᐃᑉᐱᓂᐊᕐᓂᖅ, ᐃᓱᒪᓂᖅ ᐃᑦᓯᒍᓱᓐᓂᓗ ᐊᓕᐊᓇᕐᑐᒥᒃ. ᐃᓚᖓᓂᒃ ᓄᓕᐊᕐᓂᖅ ᐊᑑᑎᑦᓯᐊᓲᖑᖕᖏᑐᖅ, ᐊᑐᐃᓐᓇᐅᖏᑐᐊᕋᕕᑦ ᐅᕝᕙᓗᓗᓐᓃᑦ ᓄᓕᐊᕈᒪᖕᖏᑐᐊᕋᕕᑦ.

ᓄᓕᐊᕈᒪᒻᒪᖔᕐᐱᑦ ᕈᒪᖕᖏᒪᖔᕐᐱᓗ ᑐᑭᑕᖁᓐᓇᑐᑑᔪᑎᑦ. 100%-ᒥᒃ ᓱᕐᖁᐃᓱᖕᖏᑐᐊᕈᕕᑦ, ᐊᐅᑳᕈᕕᑦ ᐱᐅᓂᕐᓴᖅ. ᐁᑉᐯᑦ ᐊᑐᐃᓐᓇᐅᖏᑉᐸᑦ, ᑐᑭᑖᕐᓂᖓ ᓲᓱᒋᑦᓯᐊᕆᐊᖃᕐᑌᑦ. ᓱᓕᑦᓯᐊᓗᑎᑦ ᓇᒻᒥᓂᕐᓄᑦ, ᐊᔭᐅᕐᑕᐅᒍᓐᓀᓗᑎᑦ ᐊᓯᑎᓐᓄᑦ.

ᓱᒧᑦ ᓄᓕᐊᕈᒪᑦᓴᕆᕗᖓ ?

ᓄᓕᐊᕐᓂᒥᒃ ᑐᑭᑕᕐᓂᖅ ᓇᒻᒥᓂᖅ ᑐᑭᑖᕐᓂᐅᔪᖅ. ᐊᑐᓂᑦ ᑐᑭᑖᓲᖏᓐᓇᐅᔪᒍᑦ ᓱᒧᑦ ᓄᓕᐊᕈᒪᒻᒪᖔᑦᑕ.  

ᓄᓕᐊᕈᒪᓚᕿᐅᑏᑦ ᐱᑦᔪᑏᑦ ᐅᑯᓇᓂ ᐊᓪᓚᓯᒪᑉᐸᑦ, ᐃᓱᒪᑦᓴᓯᐅᕆᐊᓪᓚᒋᐊᖃᕐᑐᑎᑦ. ᓲᓱᒋᑦᓯᐊᓗᑎᑦ ᓇᒻᒥᓂᖅ ᐁᑉᐸᓂᓪᓗ, ᐅᑕᕐᕿᒍᓐᓇᑐᑎᑦ ᓄᓕᐊᕐᓂᒥᒃ ᐊᑑᑎᒍᒪᓪᓚᕆᖕᖏᓂᓕᒫᕐᓂ.

  • ᐃᓄᑑᕐᕿᓂᖅ
  • ᐊᖓᔮᓐᓂᖅ ᐊᖓᔮᕐᓇᑐᕐᑐᓯᒪᓂᕐᓗ
  • ᐊᓯᓐᓄᑦ ᑎᓕᐅᕐᑕᐅᓂᖅ
  • ᓄᓕᐊᕆᐊᖃᕐᑐᕆᒐᕕᑦ; ᓄᓕᐊᕐᑕᐅᒋᐊᖃᕐᑐᕆᒐᕕᑦ
  • ᐊᓯᓕᒫᑎᓐᓄᑦ ᐊᑑᑎᔭᐅᔪᕆᒐᕕᐅᒃ; ᐊᓕᐊᒋᔭᐅᒍᒪᒐᕕᑦ ᐊᒥᓱᓄᑦ ᐃᓚᐅᒍᒪᒐᕕᑦ
  • ᐱᕈᕐᓯᒪᒋᐊᕐᓂᒃ ᖃᐅᔨᑎᑦᓯᒍᒪᒐᕕᑦ - ᐃᓕᓐᓄᑦ, ᐃᓚᓐᓈᑎᓐᓄᑦ ᐊᖓᔪᕐᖄᑭᓐᓄᑦ
  • ᑕᑯᓐᓇᖃᑦᑕᕋᕕᑦ ᑕᕐᕋᓕᔮᒐᕐᓂᒃ ᓄᓕᐊᕐᑐᓂᒃ ᑌᒣᒋᐊᖃᕐᑐᕆᒻᒥᒐᕕᑦ
  • ᓄᓕᐊᑐᐊᕈᕕᑦ ᓇᓪᓕᒋᔭᐅᓚᖓᔪᕆᒐᕕᑦ
  • ᐱᐊᕋᕐᑖᓗᓂ ᐊᓕᐊᓇᕈᓇᐅᔪᕆᒐᕕᐅᒃ ᓇᓪᓕᒋᔭᑦᓴᑖᕐᓗᑎᓪᓗ ᐱᐊᕋᕐᓂᒃ
  • ᖃᐅᔨᔭᐅᖁᔨᒐᕕᑦ “ᐱᐅᓯᕐᓱᕆᐊᓐᓂᒃ”
  • ᐊᐅᑲᕆᐊᒥᒃ ᑲᑉᐱᐊᓱᒐᕕᑦ
  • ᐱᐊᕋᑦᓴᑖᕈᕕᑦ ᐃᑦᑐᓱᓐᓄᑦ ᓂᖏᐅᓱᓐᓄᓗᓐᓃᑦ ᕿᒪᑦᑕᐅᒐᔭᖕᖏᑑᔪᕆᒐᕕᑦ
  • ᐁᑦᑑᓯᐊᕐᑖᕋᕕᑦ ᑭᓇᐅᔭᕐᑖᓱᑎᓪᓘᓃᑦ
  • ᓄᓕᐊᑐᐊᕈᕕᑦ ᐱᓂᐊᕐᓂᐅᓂᐊᕐᑐᒥᒃ ᐅᖃᐅᑎᔭᐅᓯᒪᒐᕕᑦ
  • ᐋᓐᓃᒍᒪᒐᕕᑦ ᐊᑭᒋᐊᕈᒪᒐᕕᓪᓘᓃᑦ