• ᐊᓂᕐᕋᖅ
  • ᓇᒻᒥᓂᖅ ᓲᓱᒋᓗᑎᑦ
  • ᖃᓄᐃᖕᖏᓯᐊᕐᑐᒥᒃ ᑎᒥᖃᕐᓂᖅ

ᐊᖑᑎᐅᑉ ᕿᑐᕐᖏᐅᒍᑎᖏᑦ

ᓇᕐᓂᓗᒍ ᐊᖑᑎᐅᑉ ᕿᑐᕐᖏᐅᒍᑎᖏᓐᓂᒃ ᕿᒥᕐᕈᓂᐊᕋᕕᑦ ᑎᒥᖓᓂᒃ.

ᑐᑭᓯᒋᐊᓪᓚᓗᒍ ᐊᖑᑎᐅᑉ ᑎᒥᖓ ᕿᑐᕐᖏᐅᒍᑎᖏᑦ

ᐊᖑᑎᐅᑉ ᕿᑐᕐᖏᐅᒍᑎᖏᑦ ᐊᑐᕐᑕᐅᓲᖑᕗᑦ ᐊᖑᑎᓄᑦ ᐊᓕᐊᓇᕐᑑᑎᓪᓗᒋᑦ, ᓄᓕᐊᕐᓱᓂ ᖃᐯᕐᓱᓂᓗ ᐊᕐᓇᒥ ᐱᐊᕋᑦᓴᑖᕐᑎᓯᒍᑎᒋᒍᓐᓇᑕᒥᓂᒃ. ᐊᖑᑎᐅᑉ ᕿᑐᕐᖏᐅᒍᑎᖏᑦ ᑕᑯᑦᓴᐅᔪᑦ ᐃᓚᖓᒍᑦ ᐃᓚᖏᑦ ᑎᒥᖓᑕ ᐃᓗᐊᓃᑦᑎᓗᒋᑦ.

ᓇᕐᓂᓗᒍ ᐊᖑᑎᐅᑉ ᕿᑐᕐᖏᐅᕈᑎᖏᓐᓂᒃ ᕿᒥᕐᕈᓂᐊᕋᕕᑦ.

ᐊᖑᑎᐅᑉ ᑎᒥᖓᑕ ᐃᓗᐊᓂ

 
  • 1ᐃᑦᔫᒃ

    ᐊᖑᑎ ᒪᕐᕉᓂᒃ ᐃᑦᔪᓕᒃ - ᐸᑦᑕᐅᓂᕋᕐᑕᐅᓲᖑᒻᒥᔫᒃ - ᐃᑦᔪᖃᐅᑎᖓᓃᑦᑑᓂᒃ. ᐃᑦᔫᒃ ᖃᐸᓕᐅᓲᒃ ᐊᖑᑎᐅᑉ ᑎᒥᖓᑕ ᑎᓕᐅᕆᔨᖏᓐᓂᒃ ᐊᖑᑎᐅᑉ ᐱᕈᕐᐸᓕᐊᒍᑎᖏᓐᓂᒃ. ᑖᓐᓇ ᐱᕈᕐᐸᓕᐊᓂᕐᒥᒃ ᑎᓕᐅᕆᒍᑎ ᐊᖑᑎᒦᑦᑐᖅ ᐊᑑᑎᓚᕿᒍᑎᐅᓲᖅ ᐊᖑᑎᖕᖑᐸᓪᓕᐊᓂᕐᒥᒃ.

  • 2ᖃᐯᔭᐅᑎᐅᑉ ᐱᒋᐊᕐᕕᖓ

    ᓵᑦᑑᓱᓂ, ᐃᑦᔫᑉ ᐃᓗᐊᓃᑦᑐᖅ ᐃᒧᒪᑦᓱᓂ ᐊᑐᓂᑦ ᐃᑦᔫᓄᑦ ᐱᑐᑦᓯᒪᔪᖅ. ᖃᐸᐅᑉ ᐃᓂᒋᓲᖓ ᐃᑦᔪᓃᒌᑐᐊᕋᒥ.

  • 3ᖃᐯᔭᐅᑎ

    ᖃᐸᐅᑉ ᐊᕐᖁᑎᖓ ᐃᑦᔫᑉ ᖃᒋᓐᓂᑦ, ᐊᑐᐃᓐᓇᕈᕐᑎᕕᐅᓲᖅ ᖃᐯᓚᖓᓕᑐᐊᕐᒪᑦ ᐅᓱᒻᒥᒍᑦ.

  • 4ᖃᐸᐅᑉ ᐅᐊᕈᑎᖓ ᐊᒻᒪᓗ ᐃᑦᔫᒃ ᕿᓂᕐᓯᖓ

    ᖃᐸᒃ ᑖᒃᑯᑎᒎᓈᓕᑐᐊᕐᒪᑦ, ᐅᐊᕈᑦᓯᑕᐅᓲᖅ ᖃᐸᓐᓄᑦ ᐆᒪᒍᑎᐅᓂᐊᕐᑐᒥᒃ ᐊᑯᓂᐅᓂᕐᓴᖅ ᐊᕐᓇᐅᑉ ᐅᑦᓱᖓᑕ ᐃᓗᐊᓃᓕᕈᓂ. ᑖᒃᑯᐊ ᑲᑎᑦᓱᒋᒃ, ᐅᐊᕈᑎᖓ ᖃᐸᓪᓗ ᖃᐸᓕᐅᕐᓂᕋᕐᑖᒃ.

  • 5ᖁᕐᕆᕕᒃ

    ᖃᐸᓕᐊᑉ ᐃᑎᕉᓪᓗ ᐊᓂᕕᖓ ᐅᓱᒃᑯᑦ. ᖃᐸᒃ ᐊᓂᓲᖅ ᐊᖑᑎ ᖃᐯᑐᐊᕐᒪᑦ.

ᐊᖑᑎᐅᑉ ᑎᒥᖓᑕ ᓯᓚᑖᓂ - ᐊᖑᑎᐅᒍᑎᖏᑦ

 
  • 1ᐅᓱᒃ

    ᐅᓱᒃ ᐊᕿᑦᑑᓲᖅ. ᐊᖑᑎ ᓄᓕᐊᕈᒪᓕᑐᐊᕐᒪᑦ, ᐅᓱᖓ ᐊᐅᑦᑕᓯᓲᖅ. ᓯᑎᔪᕈᕐᓱᓂ - ᑎᑦᓴᓕᕐᓱᓂ.

  • 2ᐅᓲᑉ ᓯᓚᑉᐱᐊᖓ

    ᐅᕕᓂᖅ ᐅᓲᑉ ᐅᓕᖓ. ᐃᓚᖏᑦ ᐊᖑᑏᑦ ᑭᐱᔭᐅᒪᓲᑦ - ᐱᐊᕋᐅᑦᓱᑎᒃ ᐱᓚᑦᑕᐅᓱᑎᒃ ᐅᓱᖓᑕ ᐅᓕᖓ ᐲᕐᑕᕕᓂᐅᑎᓪᓗᒍ. ᐊᖑᑏᑦ ᓯᓚᑉᐱᐊᖃᑐᐊᕋᒥᒃ ᐅᓱᒥᒍᑦ ᖁᐃᒐᓱᐊᓕᕋᒥᒃ, ᐅᕝᕙᓕᕋᒥᒃ ᐅᓱᓪᓘᓃᑦ ᐴᖓᓂᒃ ᐊᑐᕋᓱᐊᓯᒐᒥᒃ ᓯᓚᑉᐱᐊᖓᓂᒃ ᓄᑦᓱᕆᐊᖃᓲᑦ.

  • 3ᐃᑦᔪᖃᐅᑎ

    ᐃᑦᔫᑉ ᖃᐯᕈᑏᓪᓗ ᐊᕐᖁᑎᖏᑦᑕ ᐃᓂᖓ ᐅᓲᑉ ᐊᑖᓃᑦᑐᖅ.