ᕿᑐᙱᐅᕈᑎᐅᔪᒧᑦ ᐊᖑᑎᐅᑉ ᑎᒥᖓᓐᓂ ᐱᔪᓐᓇᖅᑎᑦᑎᕗᖅ ᐊᖑᑎᓂᑦ ᐊᓕᐊᓇᐃᒍᓱᖕᓂᕐᒥ ᐊᐃᑉᐸᕇᖕᓂᕐᒧᑦ ᑯᔭᖕᓂᕐᒥᑦ ᐊᒻᒪᓗ ᒪᕿᓂᕐᒧᑦ,ᐊᒻᒪᓗ ᓴᓇᓪᓗᓂ ᖃᐸᖕᒥᑦ ᐃᓄᒃᓴᙳᖅᑎᑦᑎᔪᓐᓇᖅᑐᒥ ᐊᕐᓇᐅᑉ ᒪᓐᓂᖏᓐᓂ. ᑯᔭᖕᓂᕐᒧᑦ ᐊᐅᓚᔾᔪᑎᖏᓐᓂ ᐊᖑᑎᒧᑦ ᑕᑯᒃᓴᐅᕗᑦ ᐃᓚᖏᑦ ᐊᒻᒪᓗ ᐃᔨᖅᓯᒪᒐᓚᒃᖢᑎᒃ ᑎᒥᐅᑉ ᐃᓗᖓᒍᑦ.
ᑎᒃᑯᐊᖅᑑᑦ ᐊᖑᑎᐅᑉ ᕿᑐᙱᐅᕈᑎᖏᑦ ᖄᖓᒎᖅᑎᓪᓗᒍ ᐃᓕᓐᓂᐊᒃᑲᓐᓂᓂᕐᒧᑦ ᑎᒥᒥ.
ᐊᖑᑎᑦ ᒪᕐᕉᖕᓂ ᐃᒡᔪᖃᖅᐳᑦ, ᐃᒡᔪᖃᕐᕕᖓᑕ ᐃᓗᐊᒍᑦ. ᐃᒡᔪᐃᑦ ᒪᕿᒥᒃ ᐊᓂᑎᑦᑎᓲᑦ ᐃᔭᕈᕙᐅᔭᖅ ᓄᑕᕋᓛᒃᓴᓂᒃ ᐊᒻᒪ ᑎᒥᖏᑦᑕ ᓱᕙᓪᓕᐊᔾᔪᑎᖏᓐᓂᒃ. ᑎᒥᐅᑉ ᓱᕙᓪᓕᐊᔾᔪᑎᖏᑦ ᒪᒃᑯᒃᓯᕙᓪᓕᐊᔪᓂᒃ ᓴᖅᑭᑉᐸᓪᓕᐊᓲᖑᕗᑦ.
ᓵᖦᖢᓂ, ᐃᒧᓪᓘᓪᓗᓂ ᐃᒡᔫᖕᓄᑦ ᐴᖅ. ᐃᔭᕈᕙᐅᔭᐃᑦ ᓄᑕᕋᓛᒃᓴᑦ ᐊᓂᓲᖑᕗᑦ ᐃᒡᔪᖕᓂᙶᖅᖢᑎᒃ.
ᐃᔭᕈᕙᐅᔭᖅ ᓄᑕᕋᓛᒃᓴᖅ ᐊᓂᓲᖑᕗᖅ ᖃᐸᖃᐅᑎᒥᒃ, ᐅᓱᐊᓂ ᐊᓂᓂᐊᓕᕌᖓᑦ.
ᐃᔭᕈᕙᐅᔭᖅ ᓄᑕᕋᓛᒃᓴᖅ ᑖᒃᑯᑎᒎᓇᖅ ᐊᖅᑯᓵᓕᕌᖓᑦ, ᖃᐸᒥᒃ ᐊᓂᔪᖃᓲᖑᕗᖅ ᐃᔭᕈᕙᐅᔭᖅ ᓄᑕᕋᓛᒃᓴᖓᑕ ᐆᒪᔾᔪᑖ ᐊᑯᓂᐅᓂᖅᓴᕐᓗ ᐊᕐᓇᐅᑉ ᖂᖃᖓᓃᑦᑐᓐᓇᕈᑖ. ᐊᑕᐅᑦᑎᒃᑯᑦ, ᖃᐸ ᐊᒻᒪ ᐃᔭᕈᕙᐅᔭᖅ ᓄᑕᕋᓛᒃᓴᖅ ᖃᐸᓕᐅᓲᖑᕗᑦ.
ᖃᐸᒧᑦ ᐊᒻᒪ ᐃᑎᕈᕐᒧᑦ ᐊᖅᑯᑖ. ᖃᐸ ᐊᖑᒻᒥ ᐊᓂᓲᖑᕗᖅ ᒪᕿᔭᕌᖓᑦ.
ᐅᓱᐃᑦ ᐊᕿᒐᔪᒃᐳᑦ, ᐊᖑᑦ ᑎᒃᓴᓕᖅᐸᑦ, ᐅᓱᐊ ᐊᐅᖕᒥ ᑕᑕᓲᖑᕗᖅ. ᑎᓯᒃᑎᑉᐸᒃᖢᓂ−ᑎᒃᓴᓕᖅᖢᓂ.
ᐅᓲᑉ ᖄᖓ ᐅᓱᖕᒧᑦ ᖄᖑᕗᖅ. ᐃᓚᖏᑦ ᐊᖑᑎᑦ ᐅᓱᖏᑦᑕ ᓄᕗᖏᑦ ᓇᑲᑕᐅᓲᑦ−ᐃᓅᓵᖅᑎᓪᓗᒋᑦ ᐅᓱᖏᑦ ᖄᖏᑦ ᐲᖅᑕᐅᓲᖑᓪᓗᑎᒃ. ᐊᖑᑎᑦ ᐅᓱᖏᑦ ᖄᓖᑦ, ᖁᐃᓂᐊᓕᕌᖓᑕ ᖁᒻᒧᒃᑎᑦᑕᕆᐊᖃᓲᖏᑦ, ᐅᕕᓂᖕᓂᐊᓕᕌᖓᑕᓗ, ᐅᕝᕙᓘᓐᓃᑦ ᐅᓲᑉ ᐴᖓᓂ ᐊᑎᓇᓱᓕᕌᖓᑕ.
ᖃᓱᖓᓪᓗᓂ ᐅᕕᓂᒃ ᐃᒡᔪᖃᕐᕕᐅᓪᓗᓂ, ᐊᒻᒪᖃᐸᒃᑯᕕᐅᓪᓗᓂ, ᐅᓲᑉ ᐊᑖᓂ ᓂᕕᖓᓪᓗᓂ.
ᐅᒃᐸᑎᐅᑉ ᐊᖕᒪᓂᐊ, ᐊᓇᕐᕕᐅᓲᖅ.