ᐱᕙᓪᓕᐊᔪᑦ
ᐊᕐᓇᖅ/ᐊᖑᑎ
ᐊᔾᔨᒌᙱᓐᓂᖃᕐᒪᑦ ᐃᓅᑉ ᑎᒥᖓᓗ ᑭᓲᓂᖓᓗ. ᑭᓲᓂᖓ ᐱᔾᔪᑎᖃᕐᑐᖅ ᑎᒥᖓᓂ – ᐊᕐᓇᖅ, ᐊᖑᑎ, ᐅᕝᕙᓘᓐᓃᑦ ᑭᓲᖅᑰᔨᒋᙱᑦ − ᐃᓄᒃ ᑭᓱᙳᕐᑎᑕᐅᔪᖅ ᐃᓅᓵᕐᖢᓂ ᓘᒃᑖᒧᑦ ᒪᓕᒃᖢᓂ ᑭᓲᓂᖓᓂ ᐆᒪᔪᑦ ᓴᓇᓯᒪᓂᖓᑕ ᓈᒪᓂᖓᓂᓪᓗ ᐃᓅᓵᕈᑎᒋᔭᖏᑦ.
ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ
ᑭᓲᓂᖓ ᑎᒥᓕᕆᓂᖕᒧᑦ ᑕᐃᒎᓯᐅᕗᖅ, ᐊᕐᓇᐅᖕᒪᖔᑦ ᐊᖑᑕᐅᖕᒪᖔᓪᓗ ᐃᓄᖕᓄᑦ ᐃᓕᖅᑯᓯᒧᓪᓗ ᑕᐃᒎᓯᐅᓪᓗᓂ. ᑭᓲᓂᖓ ᐱᔾᔪᑎᖃᕐᑐᖅ ᐃᓅᑉ ᑭᓇᐅᓂᖓ ᐃᓄᐃᑦ ᑐᑭᓯᐊᔭᖓᑎᒍ ᖃᓄᖅ ᑐᑭᖃᕐᒪᖔᑦ ᐊᕐᓇᐅᓗᓂ, ᐊᖑᑕᐅᓗᓂ, ᓇᓕᐊᖑᙱᓪᓗᓂ, ᓇᐅᒃᑯᓪᓘᓐᓃᑦ ᑭᓲᓂᖓᓂ.
ᐊᕐᓇᐅᖕᒪᖔᑦ ᐊᖑᑕᐅᖕᒪᖔᓪᓘᓐᓃᑦ ᑭᓇᐅᓂᖓ
ᑭᓲᓂᖓ ᑭᓇᐅᓂᖓ ᐱᔾᔪᑎᖃᕐᑐᖅ ᐃᓅᑉ ᐃᓗᐊᓂ ᓇᖕᒥᓂᕐᓗ ᐊᑐᕐᓯᒪᔭᖓᓂ ᑭᓲᓂᖕᒥᑦ. ᑭᓲᓂᖓ ᑭᓇᐅᓂᖓ ᐃᓅᑉ ᐃᒃᐱᒋᔭᖓᓂ ᐊᕐᓇᐅᓗᓂ, ᐊᖑᑕᐅᓗᓂ, ᑕᒪᐃᓐᓂᐅᓗᓂ, ᓇᓕᐊᖑᙱᓪᓗᓂ, ᓇᐅᒃᑯᓪᓘᓐᓃᑦ ᑭᓲᓂᖓᓂ. ᐃᓅᑉ ᑭᓲᓂᖓ ᑭᓇᐅᓂᖓ ᐊᔾᔨᒋᑐᐃᓐᓇᕆᐊᓕᖓ ᐊᔾᔨᒋᙱᓪᓗᓂᐅᒃᓘᓐᓃᑦ ᑭᓱᙳᕐᑎᑕᐅᓚᐅᕐᑎᓪᓗᒋᑦ ᐃᓅᓵᕐᖢᑎᒃ.
ᑭᓲᓂᕐᒧᑦ ᖃᓄᐃᓕᐅᕈᓯᑦ
ᑭᓲᓂᖓᒍ ᖃᓄᐃᓕᐅᕈᓯᐊ ᐱᔾᔪᑎᖃᕐᑐᖅ ᐃᓅᑉ ᓴᖅᑭᔮᕐᓂᖓᓂ ᖃᓄᐃᓕᐅᕐᐸᖕᒪᖔᓪᓗ ᑭᓲᓂᖓᓂ. ᑭᓲᓂᖕᒥᓂ ᓴᖅᑭᔮᕐᑐᖅ ᐃᓚᖃᕈᓐᓇᕐᑐᖅ ᖃᓄᐃᓕᐅᕐᓂᖓᒍ ᑕᐅᑦᑐᖓᒍᑦ ᓲᕐᓗ ᐊᓐᓄᕌᖏᑦ, ᓄᔭᖏᑦ, ᐱᐅᓴᕐᓯᒪᓂᖓ, ᑎᒥᖓ ᖃᓄᐃᓕᖓᓂᖓ ᓂᐱᖓᓗ.
ᑭᓲᓂᖏᑎᒍᑦ ᐱᓕᕆᐊᕆᔭᑦ ᐃᓄᖕᓄᑦ ᐊᑐᕐᑕᐅᔪ ᐃᓄᐃᑦ ᓂᕆᐅᒋᔭᖏᑎᒍᑦ ᑕᑯᕙᒃᖢᑎᒃᓗ “ᐊᖑᑎ” ᐅᕝᕙᓘᓐᓃᑦ “ᐊᕐᓇᖅ.” ᐃᓅᓵᖅᑎᓪᓗᒋᑦ, ᐃᓄᐃᑦ ᑕᑯᕙᒃᐳᑦ ᑐᑭᓯᐅᒪᓪᓗᑎᒃᓗ ᑭᓲᓂᖏᑎᒍᑦ ᐱᓕᕆᐊᖏ ᐃᓚᖏᓐᓂᑦ, ᑐᓴᐅᒪᔾᔪᑎᒃᑯᑦ, ᐊᓯᖏᓐᓂᓪᓗ ᐃᓚᖏᓐᓂᑦ ᐃᓄᐃᑦ. ᑭᓲᓂᖏᑎᒍᑦ ᐱᓕᕆᐊᕆᔭᑦ ᑐᙵᕕᖃᕐᐳᑦ ᐃᓕᖅᑯᓯᕆᔭᓂᑦ, ᑕᐃᒪᓕ ‘ᐃᓕᖅᑯᓯᑐᖃᖅ’ ᑭᓲᓂᖏᑎᒍᑦ ᐱᓕᕆᐊᕆᔭᑦ ᐃᓄᖕᓄᑦ ᐃᓅᙱᑦᑐᓄᓪᓗ ᐊᔾᔨᒌᙱᓚᑦ ᐊᒥᓱᐊᓗᒃᑎᒍ. ᑭᓲᓂᖏᑎᒍᑦ ᐱᓕᕆᐊᕆᔭᑦ ᐊᓯᔾᔨᖅᐸᓪᓕᐊᖃᑦᑕᕆᕗᑦ ᐃᓱᒻᒥᕈᑕᐅᔪᓐᓇᕐᖢᑎᒃᓗ ᐊᓯᔾᔨᕐᑐᓂ ᖃᕆᑕᐅᔭᓂᑦ, ᐃᓱᒪᒋᔭᐅᔪᓂᑦ ᐱᒻᒪᕆᒋᔭᐅᔪᓂᓪᓗ, ᐃᓕᖅᑯᓯᖕᒧᑦ ᐅᖃᐅᓯᖕᒧᓪᓗ, ᐊᓯᖏᓪᓗ ᐱᔾᔪᑕᐅᔪᑦ.
ᐃᓅᓱᒃᑑᓕᕐᖢᑎᒃ, ᒪᒃᑯᒃᑐᑦ ᐊᐱᖅᓱᖃᑦᑕᕐᐸᓪᓕᐊᕙᒃᐳᑦ ᓂᕈᐊᖅᐸᒃᖢᑎᒃᓗ ᐊᔾᔨᒌᙱᑦᑐᓂᑦ ᑭᓲᓂᖏᑎᒍᑦ ᐱᓕᕆᐊᓂᑦ. ᐊᑭᓴᖅᑐᕈᒪᑐᐃᓐᓇᕆᐊᖃᕐᐳᑦ ‘ᐃᓕᖅᑯᓯᑐᖃᓂ’ ᐱᓕᕆᐊᓂᑦ. ᐆᒃᑑᑎᒋᓗᒍ, ᐃᓅᓱᒃᑐᑦ ᐊᖑᑎᑦ ᖁᕕᐊᒋᔭᕐᓯᐊᑐᐃᓐᓇᕆᐊᓕᑦ ᓂᖅᖠᐅᕐᓂᖕᒥᑦ, ᒥᖅᓱᕐᓂᖕᒥᑦ, ᐱᙳᐊᖃᑎᖃᑐᐃᓐᓇᕐᓗᑎᒃᓘᓐᓃᑦ ᒥᑭᓐᓂᕐᓴᓂ ᓄᑕᖅᑲᓂ; ᐊᕐᓇᑦ ᐃᓅᓱᒃᑐᑦ ᐊᔪᙱᑐᐃᓐᓇᕆᐊᖃᕐᖢᑎᒃ ᖃᐅᔨᓴᕐᓂᖕᓂᑦ, ᕿᑎᖕᓂᖕᓂᑦ ᐊᖑᓇᓱᖕᓂᖕᒥᓪᓘᓐᓃᑦ.
ᐃᓄᐃᑦ ᐊᔭᐅᕐᑕᐅᓗᐊᕆᒍᑎᒃ ᑭᓱᓪᓚᕆᖕᒧ ᑭᓲᓂᖓᓂ ᐱᓕᕆᐊᖃᖁᔭᐅᓗᓂ, ᐊᒃᓱᕈᕐᓇᕈᓐᓇᕐᑐᖅ. ᐱᒻᒪᕆᐅᕗᖅ ᐃᓄᖕᓄᑦ ᐱᓇᔪᒃᓗᑎᒃ ᖃᓄᐃᓕᐅᒐᒃᓴᓂ ᖁᕕᐊᒋᔭᒥ ᐃᓄᙳᕈᑎᒋᔪᓐᓇᕐᑕᖏᑦ. ᐊᒃᓱᕉᑎᖃᕈᕕᑦ ᑭᓲᓂᖕᓂᑦ ᐅᕝᕙᓘᓐᓃᑦ ᑭᓲᓂᖕᒧᑦ ᑭᓇᐅᓂᖕᓂᑦ ᓂᕆᐅᒋᔭᓪᓗ, ᐃᓄᑑᙱᓚᑎᑦ. ᐃᑲᔪᕈᓐᓇᕐᑐᖅ ᐅᖃᖃᑎᖃᕐᓗᑎᒃ ᑕᑎᒋᔭᕐᓂ ᐱᖃᓐᓇᕆᔭᖕᓂᑦ, ᓇᓕᐊᖕᓄᑐᐃᓐᓇᖅ ᐃᓚᖕᓄᑦ, ᐃᓕᓴᐃᔨᒧᑦ, ᐃᓅᓯᓕᕆᔨᒧᓪᓘᓐᓃᑦ. ᐃᑲᔪᖅᑕᐅᒃᑲᓐᓂᕈᒪᒍᕕᑦ, ᐅᕗᙵᐅᓗᑎ (ᑲᓱᕐᕕ “ᓄᓕᐊᕐᓂᖕᒧᑦ ᐃᑲᔪᖅᑕᐅᕕᒃ” ᖃᐅᔨᒋᐊᕐᕕᒃᓵᓂ).
ᐅᑯᐊ ᑕᐃᒎᓰᑦ ᐅᓇᓂ ᐃᓚᖃᕐᑐ ᑐᑭᑐᐃᓐᓇᕐᓂᑦ, ᐱᒻᒪᕆᐅᕗᖅ ᐃᖅᑲᐅᒪᓂᐊᕐᓗᓂ ᑭᓲᓂᕋᖕᓂᖅ ᓇᖕᒥᓂᖕᒨᖓᖕᒪᑕ, ᐃᓄᐃᓗ ᑐᑭᓯᓂᐊᕐᖢᑎᒃ ᑐᑭᓕᐊᕆᓗᒍᓗ ᑭᓲᓂᖏᑦ ᓇᒻᒥᓂᖅ ᐃᓱᒪᖓᒍᑦ.
| ᑕᐃᒫᔅᓴᐃᓐᓈᖅᑐᑦ | ᐃᓄᒃ ᑭᓲᓂᖓᓂ ᐊᔾᔨᖃᖅᑐᖅ ᑭᓲᓪᓗᑎᒃ ᐃᓅᓵᕐᑎᓪᓗᒋᑦ. |
| ᐊᕐᓇᐅᔪᒪᔪᑦ ᐊᖑᑕᐅᔪᒪᔪᑦ | ᐃᓄᒃ ᑭᓲᓂᖓᓂ ᐊᔾᔨᖃᙱᑦᑐᖅ ᑭᓲᓪᓗᑎᒃ ᐃᓅᓵᕐᑎᓪᓗᒋᑦ. |
| 2−ᑕᕐᓂᓕᑦ | ᐃᓕᖅᑯᓯᕆᔭᒧᑦ ᑕᐃᒎᓯᖅ ᐊᑐᕐᑕᐅᓲᖅ ᐃᓚᖏᓐᓄᑦ ᓄᓇᖃᖅᑳᖅᓯᒪᔪᓄᑦ ᐅᖃᕐᖢᑎᒃ ᐊᕐᓇᒥᑦ ᐊᖑᒻᒥᓪᓗ ᑕᕐᓂᖃᕐᓂᕋᕐᖢᑎᒃ. ᒪᓐᓇ ᐱᔾᔪᑎᖃᑐᐃᓐᓇᕆᐊᓕᒃ ᑕᕐᓂᖏᓐᓄᑦ, ᓄᓕᐊᕐᓂᖕᒧᑦ, ᑭᓲᓂᖕᒥᓪᓗ ᑭᓇᐅᓂᖓᓂ. |
| ᓇᓪᓕᐊᒎᖖᒋᑦᑐᖅ | ᐅᖃᐅᓯᕆᔭᐅᓪᓗᐊᑕᕐᐸᒃᑐᑦ ᑕᒪᐃᓐᓄᑦ ᑭᓲᓂᖏᓐᓄᑦ ᐊᓯᖏᓐᓂ ᐊᕐᓇᖅ/ᐊᖑᑎ ᐊᒻᒪᓗ ᐊᕐᓇᖅ/ᐊᖑᑎ. |
| ᑭᓲᓂᖃᕆᙱᑦᑐᑦ | ᑕᐃᒎᓯᖅ ᐊᑐᕐᑕᐅᒐᔪᒃᑐᖅ ᐃᓄᖕᓄᑦ ᓇᓗᓇᐃᙱᑦᑐᖅ ᓴᖅᑭᔮᙱᑦᑐᓪᓘᓐᓃᑦ ᑭᓲᓂᖕᒥᓂᑦ ᑭᓱᓅᖓᔪᓂ. |