ᓄᓕᐊᕐᓂᒃᑯᑦ ᐱᑦᑎᐊᖏᓐᓃᑦ
ᓄᓕᐊᕐᓂᒃᑯᑦ ᐱᑦᑎᐊᖏᓐᓂᖅ ᖃᓄᑐᐃᓐᓇᖅ ᐱᔪᒪᙱᑦᑐᒥᒃ ᓄᓕᐊᕐᓂᒃᑯᑦ ᖃᓄᐃᓕᐅᕈᑎᐅᔪᖅ. ᐊᑐᒐᔪᒃᑐᖅ ᐊᑯᓐᓂᖓᓂ ᒪᕐᕉᒃ ᐃᓅᒃ ᖃᐅᔨᒪᖃᑦᑕᐅᑎᔪᓄᑦ.
| ᓄᓕᐊᕐᓂᒃᑯᑦ ᐱᑲᒻᒪᖕᓂᖅ | ᐃᓄᒃ ᑎᓕᐅᕆᓗᓂ ᖃᓄᐃᓕᖓᔪᒥᒃ ᐱᔭᐅᔪᒪᙱᑦᑐᒥᒃ ᓄᓕᐊᕐᓂᒃᑯᑦ ᖃᓄᐃᓕᐅᕐᓂᕐᒥ ᐊᓯᐊᓄᑦ, ᑕᐃᔅᓱᒪ ᐃᓅᑉ ᐱᔪᒪᓂᖓᒎᖏᑦᑐᖅ−ᖁᓄᔪᕐᓂᐊᕐᓂᕐᒥ ᐊᓯᖏᓐᓄᑦ ᐋᖅᑭᒃᓯᒪᓂᐅᔪᓄᑦ ᐱᔭᐅᔪᒪᖏᑦᑐᓄᑦ ᓄᓕᐊᕐᓂᒃᑯᑦ ᖃᓄᐃᓕᐅᕈᑎᓄᑦ. ᐱᓂᕐᓗᒃᑎ ᐊᑐᕐᖢᓂ ᐱᑎᑦᑎᓇᓱᖕᓂᕐᒥ, ᑲᑉᐱᐊᓵᕆᓪᓗᓂ, ᐊᑐᑲᒻᒪᒃᖢᓂᓘᓐᓃᑦ ᐊᓯᐊᓂᒃ ᐃᓄᖕᒥ. ᓄᓕᐊᕐᓂᒃᑯᑦ ᐱᑲᒻᒪᖕᓂᖅ ᐱᕋᔭᖕᓂᐅᔪᖅ. |
| ᓄᓕᐊᕐᓂᒃᑯᑦ ᐸᒃᕕᓵᕆᓂᖅ | ᐃᓄᒃ ᐱᔭᐅᔪᒪᙱᑦᑐᒥᒃ ᓄᓕᐊᕐᓂᒃᑯᑦ ᐊᐅᓚᓂᖃᖅᑐᖅ ᐅᖃᐅᓯᖃᖅᑐᕐᓘᓐᓃᑦ, ᐱᔭᐅᔪᒪᙱᑦᑐᒥᒃᓘᓐᓃᑦ ᓄᓕᐊᕐᓂᒃᑯᑦ ᐊᒃᑐᐃᓯᒪᔪᖅ ᑕᒃᑯᖅᖠᑎᑦᑎᓪᓗᓂ ᑲᙳᓲᑎᑎᑦᑎᓪᓗᓂᓘᓐᓃᑦ ᑭᓇᒥᑭᐊᖅ. ᑐᑭᓕᐅᕈᑎᑦ ᐃᓚᐅᑎᑦᑎᔪᑦ ᐸᑎᒃᓯᓗᓂ ᑭᓇᒥᑭᐊᖅ ᐅᒃᐸᑎᖓᒍᑦ, ᐳᓯᑳᖑᕙᓚᑦᑎᓗᓂ ᐅᕝᕕᖏᐊᕐᓗᓂᓘᓐᓃᑦ, ᓄᓕᐊᕐᓂᒃᑯᓪᓗ ᐊᐅᓚᓃᑦ ᐅᖃᐅᓰᓪᓘᓐᓃᑦ. |
| ᓄᑕᖅᑲᒥᒃ ᓄᓕᐊᕐᓂᒃᑯᑦ ᐱᓂᕐᓗᖕᓂᖅ |
ᖃᓄᑐᐃᓐᓇᖅ ᓄᓕᐊᕐᓂᒃᑯᑦ ᖃᓄᐃᓕᐅᕈᑎ ᐅᑭᐅᑭᓗᐊᖅᑐᒧᑦ− ᑭᓇᑭᐊᖅ ᑐᖔᓂ 18 ᐅᑭᐅᓕᖕᒧᑦ.
|
| ᐃᓄᖕᓂ ᓂᐅᕐᕈᑎᖃᕐᓂᖅ | ᐃᓄᒃ ᐊᐅᓚᑦᑎᓪᓗᓂ ᐊᓯᖏᓐᓂ ᐃᓄᖕᓂᒃ ᓂᐅᕐᕈᑎᒋᓪᓗᒋᓪᓗ ᑕᐅᖅᓯᖃᑎᒋᓪᓗᒋᓪᓘᓐᓃᑦ ᐊᓯᐊᓄᑦ ᐱᓕᕆᔨᒧᑦ ᓄᓕᐊᕐᓂᒃᑯᑦ ᖃᓄᐃᓕᐅᕈᑎᒧᑦ. |
| ᐱᑎᑦᑎᑕᐃᓕᒪᓂᖅ ᐱᕕᖃᕐᓂᕐᒥ ᐊᑦᑕᕐᓇᙱᑦᑐᒥᒃ ᓄᓕᐊᕐᓂᕐᒥ | ᐃᓅᑉ ᐃᓕᖅᑯᓯᖓ ᐊᓯᐊᓂᒃ ᐃᓄᖕᒥ ᐊᑦᑕᕐᓇᖅᑐᒦᑎᑦᑎᔪᖅ ᓄᓕᐊᖅᐸᑕ. ᑐᑭᓕᐅᕐᓗᒍ, ᐱᓂᕐᓗᒃᑎ ᐊᑐᕈᒪᙱᓪᓗᓂ ᐅᓲᑉ ᐴᖓᓂᒃ, ᐱᖃᑖᑕ ᐱᖁᒐᓗᐊᖅᐸᒍ, ᐅᕝᕙᓘᓐᓃᑦ ᖃᐅᔨᓴᖅᑕᐅᔪᒪᙱᓪᓗᑎᒃ ᓄᓕᐊᕐᓂᒃᑯᑦ ᖁᐱᕐᕆᓯᒪᖕᒪᖔᑦ. |