ᕿᑐᙱᐅᕈᑎᑦ ᐊᕐᓇᐅᑉ ᑎᒥᖓᓂ ᑐᓂᓯᔪᓐᓇᖅᐳᖅ ᐊᓕᐊᓇᐃᑦᑎᐊᖅᑐᒥ ᐊᐃᑉᐸᕇᖕᓂᕐᒧᑦ ᐃᒃᐱᒍᓱᖕᓂᐅᔪᒥᑦ, ᐱᔪᓐᓇᖅᑎᑦᑎᓪᓗᓂ ᐊᐃᑉᐸᕇᖕᓂᕐᒧᑦ ᑯᔭᖕᓂᕐᒥᑦ, ᒪᕿᓂᕐᒧᑦ, ᓯᖓᐃᓕᕐᓗᓂ ᐊᒻᒪᓗ ᐃᕐᓂᓗᓂ. ᑭᓇᑐᐃᓐᓇᖅ ᐊᕐᓇᖅ ᐱᒋᐊᖅᓯᒪᔪᖅ ᐊᐅᓈᕐᓂᕐᒥᑦ ᐊᖑᑎᐅᑉ ᐃᔭᕈᔭᐅᕙᒋᑦ ᐃᓄᒃᓴᙳᖅᑎᑦᑎᒍᓂ ᒪᓐᓂᖏᓐᓂ.
ᑕᒪᕐᒥᒐᓚᒃ ᐃᓚᒋᔭᐅᔪᑦ ᐅᑦᑐᖓᓂ ᐃᓂᒋᔭᖓᓂ ᐊᕐᓇᐅᑉ ᑎᒥᖓᓂ ᓴᓇᕗᖅ ᕿᑐᙱᐅᕈᑎᑦ ᐱᓕᕆᔾᔪᓯᐅᔪᒥᑦ. ᕿᑐᙱᐅᕈᑎᑦ ᐱᓕᕆᔾᔪᓯᐅᔪᑦ ᑕᒪᒃᑮᓂ ᓯᓚᑖᒍᑦ ᐊᒻᒪᓗ ᐃᓗᐊᒍᑦ ᐃᓚᖃᐅᖅᐳᖅ. ᐊᑐᓂ ᐃᓅᓕᓴᐃᓂᕐᒧᑦ ᐊᑎᖃᖅᐳᑦ ᐊᒻᒪᓗ ᐊᒥᓱᐊᓗᖕᓂ ᐃᓄᖕᓂ ᐊᑎᖃᖅᑎᑕᐅᕙᒃᐳᑦ.
ᑎᒃᑯᐊᖅᑑᑦ ᐊᕐᓇᐅᑉ ᕿᑐᙱᐅᕈᑎᖏᑦ ᖄᖓᒎᖅᑎᓪᓗᒍ ᐃᓕᓐᓂᐊᒃᑲᓐᓂᓂᕐᒧᑦ ᑎᒥᒥ.
ᓄᓕᐊᖅᑎᓪᓗᒋᑦ ᑎᓯᒃᑎᓲᑦ; ᓄᑕᕋᓛᒧᓪᓗ ᐊᒫᒪᒡᕕᐅᓲᖅ, ᓄᑕᕋᓛᕐᒧᑦ ᐊᒫᒪᒃᑎᑦᑎᕕᒃ.
ᐊᕐᓇᓕᒫᑦ ᒪᕐᕉᖕᓂᒃ ᒪᓐᓂᖃᐅᑎᖃᖅᑐᐃᓐᓇᐅᕗᑦ, ᐃᒡᓕᐊᑉ ᐊᕙᑖᓂᑦᑑᒃ. ᒪᓐᓂᖃᐅᑎᑦ ᐅᓄᖅᑐᓂᒃ ᒪᓐᓂᖃᕐᕕᐅᕗᑦ ᑕᖅᑭᑕᒫᓪᓗ ᐊᑕᐅᓯᕐᒥᒃ ᐊᓂᔪᖃᖅᐸᒃᖢᓂ ᐃᒡᓕᐊᑉ ᐃᐱᐅᑕᖓᓂ−ᓄᑕᕋᓛᒃᓴᙳᕐᓗᓂ.
ᑲᑎᙵᔾᔪᑕᐅᕗᑦ ᒪᓐᓂᖃᐅᑎᒧᑦ ᐊᒻᒪ ᐃᒡᓕᐊᕐᒧᑦ. ᒪᓐᓃᑦ ᐃᖏᕐᕋᓲᖑᕗᑦ ᐃᒡᓕᐊᑉ ᐃᐱᐅᑕᖓᓂ ᐃᒡᓕᐊᒧᑦ.
ᐊᕐᓇᐅᑉ ᐃᓗᐊᓃᑦᑐᖅ ᓄᑕᕋᓛᕐᒧᑦ ᐱᕈᕐᕕᐅᓲᖅ. ᒪᓐᓂᒃ ᐊᖑᑎᐅᓪᓗ ᐃᔭᕈᕙᐅᔭᖓ ᓄᑕᕋᓛᒃᓴᖅ ᑲᑎᒃᑳᖓᑕ, ᐊᕐᓇᖅ ᓯᖓᐃᓕᓲᖑᕗᖅ.
ᐃᒡᓕᐊᒨᖓᔪᖅ ᑐᐊᓐᓂᐅᓪᓗᓂ ᐃᒡᓕᐊᑉ ᐃᓱᐊᓃᑦᑐᖅ ᖁᖅᑲᕐᒧᑦ ᐊᑕᓪᓗᓂ.
ᐊᖕᒪᓂᖅ ᐊᑕᓪᓗᓂ ᐃᒡᓕᐊᒧᑦ ᑎᒥᐅᑉ ᓯᓚᑖᓄᓪᓗ. ᑕᕝᕘᓇ ᐊᐅᓇᓲᑦ ᐊᒻᒪ ᖁᐃᓲᑦ. ᐅᓱᖕᒥ ᐴᕐᕕᐅᓲᖑᒋᓪᓗᓂ ᓄᓕᐊᖅᑎᓪᓗᒋᑦ.
ᐊᖕᒪᓂᖅ ᐃᑎᕈᕐᒧᑦ ᐊᖅᑯᑕᐅᓪᓗᓂ ᓇᑲᓱᖕᒥᙶᖅᑐᒥᒃ ᑎᒥᐅᑉ ᓯᓚᑖᓅᖓᓪᓗᓂ.
ᐊᕐᓇᐃᑦ ᐊᖕᒪᓂᖃᖅᐳᑦ ᐊᑯᓐᓈᖏᑦᑎᒍᑦ. ᖁᕐᕆᕕᒃ, ᖂᖃᖅ, ᐊᒻᒪ ᐃᑎᖅ.
ᐊᕐᓇᐅᑉ ᐅᑦᑐᐊ ᑕᑯᒃᓴᐅᔪᓕᒫᒧᑦ ᑕᐃᒎᓯᖅ.
ᓴᓂᕌᓃᑦᑑᒃ ᒪᕐᕉᓪᓗᑎᒃ: ᐊᓃᕐᓂᖅᓴᖅ, ᐃᔾᔪᓂᖅᓴᐅᓪᓗᓂ ᒪᑐᓯᒪᔾᔪᑕᐅᓪᓗᓂ ᐅᓗᐊᙳᐊᒧᑦ; ᐃᓗᐊᓃᓐᓂᖅᓴᖅ ᓵᓐᓂᖅᓴᐅᓪᓗᓂ ᐊᖕᒪᓂᕐᒧᑦ ᒪᑐᓯᒪᔾᔪᑖ ᖁᕐᕆᕕᖕᒧᓪᓗ.
ᑖᓐᓇ ᒥᑭᖦᖢᓂ ᐅᓗᐊᙳᐊᕐᒦᑦᑐᖅ ᓄᓕᐅᖅᖢᓂ ᐃᒃᐱᖕᓂᕈᑕᐅᓲᖅ.
ᓄᓕᐊᖅᑎᓪᓗᒋᑦ ᐅᓱᒃ ᐃᓗᐊᓄᐊᓲᖅ; ᐊᐅᓇᓕᕌᖓᓪᓗ ᐊᕐᓇᖅ ᑕᕝᕘᓇ ᐊᐅᓇᓲᖅ; ᐃᕐᓂᓱᒃᑎᓪᓗᒍᓗ ᓄᑕᕋᓛᖅ ᑕᕝᕘᓇ ᐊᓂᓲᖅ.
ᐅᒃᐸᑎᒦᑦᑐᖅ ᐊᖕᒪᓂᖅ, ᐊᓇᕐᕕᐅᓲᖅ.