• ᐊᓂᕐᕋᖅ
  • ᓇᒻᒥᓂᖅ ᓲᓱᒋᓗᑎᑦ
  • ᖃᓄᐃᖕᖏᓯᐊᕐᑐᒥᒃ ᑎᒥᖃᕐᓂᖅ

ᐊᕐᓇᐅᑉ ᕿᑐᕐᖏᐅᒍᑎᖏᑦ

ᓇᕐᓂᓗᒍ ᐊᕐᓇᐅᑉ ᕿᑐᕐᖏᐅᒍᑎᖏᓐᓂᒃ ᕿᒥᕐᕈᓂᐊᕋᕕᑦ ᑎᒥᖓᓂᒃ.

ᐊᕐᓇᐅᑉ ᕿᑐᕐᖏᐅᒍᑎᖏᓐᓂᒃ ᐃᓕᓐᓂᐊᓂᖅ

ᐊᕐᓇᐅᑉ ᕿᑐᕐᖏᐅᒍᑎᖏᑦ ᐊᑐᕐᓗᓂᒋᑦ ᐊᓕᐊᓇᕐᑐᒥᒃ ᐃᑉᐱᓂᐊᒍᑎᒋᒍᓐᓇᑕᖏᑦ, ᓄᓕᐊᕐᑕᐅᒍᓐᓇᓱᓂ, ᖃᐯᖃᑎᐅᒍᓐᓇᓱᓂ, ᐱᐊᕋᑦᓴᑖᕈᑎᒋᒍᓐᓇᓱᒋᑦ ᐃᓅᓕᕐᑎᓯᕕᒋᓗᒋᓪᓗ. ᓇᐅᓕᒫᖅ ᓂᕕᐊᕐᓯᐊᖑᖏᓐᓇᓗᓂ ᐊᐅᖃᓲᕈᕈᓂ ᐱᐊᕋᑦᓴᑖᕈᓐᓇᑐᖅ ᖃᐸᒻᒧᑦ ᒪᓐᓂᖓ ᐱᕈᕐᑐᓴᖕᖑᑎᑕᐅᓐᓂᐸᑦ.

ᐊᕐᓇᐅᑉ ᐊᕐᓇᐅᒍᑎᓕᒫᖏᑦ ᕿᑐᕐᖏᐅᕈᑎᖓᓅᓕᖓᔪᐃᓐᓀᑦ. ᓯᓚᑖᓃᑦᑐᑦ ᐃᓚᖏᑦ ᐃᓗᐊᓃᑦᓱᑎᓪᓗ. ᐊᑐᓂᑦ ᑌᔭᐅᒍᓯᓖᓐᓀᑦ ᐋᓐᓂᐊᓯᐅᕐᑕᐅᒍᑎᑎᒍᑦ ᐊᓯᖏᓐᓄᓗ ᐊᒥᓱᓄᑦ ᐃᓄᓐᓄᑦ ᐊᑦᔨᒌᖕᖏᑐᓂᒃ ᑌᔭᐅᒍᓯᖃᕐᑎᑕᐅᓲᖑᒻᒥᓱᑎᒃ.

ᓇᕐᓂᓗᒍ ᐊᕐᓇᐅᑉ ᕿᑐᕐᖏᐅᒍᑎᖏᓐᓂᒃ ᕿᒥᕐᕈᓂᐊᕋᕕᑦ.

ᐃᕕᐊᖐᒃ

 

ᓄᓕᐊᕐᑕᐅᓂᖓᓂ ᓱᕐᕋᑕᐅᒍᐊᕐᑑᒃ; ᐃᒻᒧᑖᓲᒃ ᕿᑐᕐᖏᑐᐊᕋᒥ, ᕿᑐᕐᖓᒥᓂᒃ ᐊᒫᒪᑦᑎᓯᒍᑎᑦᓴᒥᓂᒃ.

ᐊᕐᓇᐅᑉ ᑎᒥᖓᑕ ᐃᓗᐊᓂ

 
  • 1ᒪᓐᓂᖃᐅᑏᒃ

    ᐊᑐᓂᑦ ᐊᕐᓀᑦ ᒪᕐᕉᓂᒃ ᒪᓐᓂᖃᐅᑎᓖᑦ ᐃᓪᓗᒌᓐᓂᒃ. ᒪᓐᓂᖃᐅᑏᒃ ᒪᓐᓂᑕᖃᓲᒃ ᒥᑭᔪᓂᒃ ᑕᕐᕿᑕᒫᑦ ᐊᓂᖃᑦᑕᓲᓂᒃ ᒪᓐᓂᐅᑉ ᐊᕐᖁᑎᖏᒍᑦ ᐃᓪᓕᐊᓕᐊᕐᓱᑎᒃ.

  • 2ᒪᓐᓂᐅᑉ ᐊᕐᖁᑎᒋᒃ

    ᒪᓐᓂᖃᐅᑎᒧᑦ ᐱᑐᑦᓯᒪᔫᒃ ᐃᓪᓕᐊᒧᑦ. ᓇᓪᓕᐊᒍᑦ ᒪᓐᓂᐅᑉ ᐊᕐᖁᑎᖏᒎᕐᓱᓂ ᒪᓐᓂᖅ ᐃᓪᓕᐊᓕᐊᓲᖅ.

  • 3ᐃᓪᓕᐊᖅ

    ᐱᐊᕋᑦᓴᐅᑉ ᐃᓂᖓ ᐱᕈᕐᕕᒋᓲᖓ. ᒪᓐᓂᖅ ᑲᑎᓯᑐᐊᕋᒥ ᖃᐸᒻᒥᒃ ᐱᐊᕋᑦᓴᕈᓲᖅ.

  • 4ᐃᓪᓕᐊᑉ ᐹᖓ

    ᐃᓪᓕᐊᑉ ᐹᖓ ᐅᑦᓱᒨᕐᑐᖅ.

  • 5ᐅᑦᓱᒃ

    ᐅᑦᓱᒃ ᐃᓪᓕᐊᑉ ᐱᑐᒍᑎᖓ ᑎᒥᖓᑕ ᓯᓚᑖᓄᑦ. ᑕᒡᒎᓇ ᐊᕐᓀᑦ ᐊᐅᖃᓲᑦ ᑭᓈᓗᕝᕕᒋᑦᓱᓂᐅᓪᓗ. ᐅᓲᓪᓗ ᑐᕐᖁᕕᒋᓲᕆᑦᓱᓂᐅᒃ ᓄᓕᐊᕐᑕᐅᓕᑐᐊᕐᒪᑦ ᐊᕐᓇᖅ.

  • 6ᖁᕐᕆᕕᒃ

    ᓇᑲᓱᒻᒥᑦ ᐱᔪᖅ ᐃᑎᕉᑉ ᐊᕐᖁᑎᖓ ᖁᐃᒍᑎ.

ᐊᕐᓇᐅᑉ ᑎᒥᖓᑕ ᓯᓚᑖᓂ - ᕿᑐᕐᖏᐅᒍᑎᖏᑦ

 

ᐊᕐᓇᖅ ᐱᖓᓱᓂᒃ ᐊᖕᒪᓂᓕᒃ ᓇᓕᒃᑳᒥᒍᑦ. ᖁᕐᕆᕕᒃ, ᐅᑦᓱᒃ ᐃᑎᕐᓗ.

  • 1ᐅᑦᓱᒃ

    ᐊᕐᓇᐅᑉ ᕿᑐᕐᖏᐅᕈᑎᓕᒫᖏᑦᑕ ᑌᔭᐅᒍᓯᖓ ᓯᓚᑖᓃᑦᑐᓕᒫᑦ.

  • 2ᐃᕐᖁᖅ

    ᒪᕐᕉᒃ ᐅᕕᓃᒃ: ᓯᓚᓪᓕᖓ ᐃᑦᔪᓂᕐᓴᖅ ᐅᑦᓱᓕᒫᖓᓂᒃ ᐅᓕᑦᓯᓯᒪᔪᖅ; ᐃᓗᓪᓕᖓ ᓵᓐᓂᓴᖅ ᐅᑦᓲᑉ ᐊᒻᒪᓂᖓ ᖁᕐᕆᕕᖓ.

  • 3ᐅᓕᕝᕙᒃ

    ᑖᓐᓇ ᒥᑭᔪᐊᐱᐅᑦᓱᓂ ᐅᑦᓱᒦᑦᑐᖅ ᓄᓕᐊᓕᕋᒥ ᓱᕐᕋᑕᐅᒍᐊᕐᑐᖅ ᐊᓕᐊᓇᕐᑎᓯᒍᑎ.

  • 4ᐅᑦᓲᑉ ᐊᒻᒪᓂᖓ

    ᐅᓲᑉ ᑐᕐᖁᕕᒋᓲᖓ ᓄᓕᐊᓕᕋᒥ; ᐊᕐᓇᐅ ᐊᐅᖃᕐᕕᒋᓲᖓ; ᐃᕐᓂᓱᓕᕋᒥ ᐱᐊᕋᕐᑖᕕᖓ.

  • 5ᐃᑎᖅ

    ᐅᑉᐸᑏᒃ ᐊᑯᓐᓂᖓᓂ ᐊᒻᒪᓂᖅ (ᐊᓇᕐᕕᐅᓲᖅ).