• ᐊᓂᕐᕋᖅ
  • ᓄᓕᐊᕐᓂᖅ
  • ᓄᓕᐊᕐᓂᐅᑉ ᓯᕗᓂᖓᒍᑦ

ᐁᑉᐯᑦ ᐅᖄᖃᑎᒋᓗᒍ

ᑐᓴᐅᒪᖃᑎᒌᑦᓯᐊᓂᖅ ᐱᒻᒪᕆᐅᕗᖅ ᐊᑦᑕᓇᖕᖏᑐᒥᒍᑎᐅᒍᓐᓇᓱᓂ ᐊᓕᐊᓇᕐᑐᒥᓪᓗ ᓄᓕᐊᕐᓂᖃᕐᓂᐅᓗᓂ. ᐁᑉᐸᓂᒃ ᓄᓕᐊᕐᓂᒥᒃ ᐅᖄᕕᖃᕈᓐᓇᖏᒃᑯᕕᑦ, ᐊᑐᐃᓐᓇᐅᕋᑕᕈᓇᐅᖕᖏᑐᑎᑦ ᓄᓕᐊᕐᓂᒧᑦ.

ᐅᑯᐊ ᐁᑉᐸᓄᑦ ᐅᖄᒍᓐᓇᑕᑎᑦ ᓄᓕᐊᓚᐅᕐᓇᒃ.

ᐊᖏᖃᑎᒌᒃᑯᒎᒃ ? ᐊᖏᖃᑎᒌᒋᐊᖃᕐᑐᑎᒃ. ᐊᖏᕐᓂᖅ ᑐᑭᖃᕐᑐᖅ ᐃᓅᒃ ᒪᕐᕉᒃ ᓇᒻᒥᓂᖅ ᑐᓂᒍᑎᔫᒃ ᓄᓕᐊᓚᖓᑦᓱᑎᒃ - ᐊᑦᑑᔭᕈᑎᓗᑎᒃ, ᑯᓂᐅᕐᓗᑎᒃ ᓄᓕᐊᕐᓗᑎᓪᓗ.
ᓇᓪᓕᐊᓂᒃ ᓄᓕᐊᕐᓂᒥᒃ ᐃᓱᕐᕆᒋᔭᖃᕐᐱᑦ ?

ᓄᓕᐊᕐᓂᖅ ᐅᓱᒻᒥᒃ ᐅᑦᓱᒧᑦ ᑐᕐᖁᑎᑦᓯᓂᑐᐃᓐᓇᐅᖏᑦᑐᖅ. ᐊᒥᓱᓂᒃ ᐊᑑᑎᒍᑎᐅᒍᓐᓇᑐᖅ ᐊᒥᓱᓄᑦ ᐃᓄᓐᓄᑦ. ᑕᑯᒋᐊᕐᓗᒍ ᓄᓕᐊᕐᓂᖅ ᐃᒣᑦᑑᕗᖅ…

ᓇᓪᓕᐊᓂᒃ ᐊᓕᒋᔭᖃᕐᒪᖔᕐᐱᑦ ᓇᓪᓕᐊᓂᓪᓗ ᐊᓕᐊᒋᔭᖃᖕᖏᒪᖔᕐᐱᑦ ᐅᖄᕐᓗᑎᑦ, ᐅᕝᕙᓗᓗᓐᓃᑦ ᓇᓪᓕᐊᓂᒃ ᐆᑦᑐᕈᒪᒻᒪᖔᕐᐱᑦ ᓇᓪᓕᐊᓂᓪᓗ ᐆᑦᑐᕋᒪᖕᖏᒪᖔᕐᐱᑦ.

ᖃᓄᕐᓖ ᓄᓕᐊᕐᓂᑯᑦ ᐊᑦᑕᓇᕐᑐᒦᑦᑌᓕᓚᖓᕗᖓ ? ᐅᑦᓱᑯᑦ, ᖃᓂᒃᑯᑦ ᐃᑎᒃᑯᓗ ᓄᓕᐊᕐᓂᖅ ᐊᑦᑕᓇᕐᑐᒨᕆᓲᖅ ᓄᓕᐊᕐᓂᑯᑦ ᐋᓐᓂᐊᑕᕈᑎᐅᒍᓐᓇᑐᖅ. ᑕᑯᒋᐊᕐᓗᒍ ᓄᓕᐊᕐᓂᑯᑦ ᐋᓐᓂᐊᑖᕆᔭᐅᒍᓐᓇᑐᑦ.
ᐱᐊᕋᑦᓴᑖᕇᒃᑯᑏᓪᓕ ? ᐅᑦᓱᑯᑦ ᓄᓕᐊᕐᓂᖅ ᐱᐊᕋᑦᓴᑖᕈᑎᐅᒍᓐᓇᑐᖅ. ᐊᑦᔨᒌᖕᖏᑐᓂᒃ ᐱᐊᕋᑦᓴᑖᕇᒃᑯᑎᓂᒃ ᐅᖄᒍᓐᓇᑐᑎᑦ; ᑐᑭᑖᕐᓗᑎᑦ ᓇᓪᓕᐊᓂᒃ ᐊᑐᕐᓂᐊᒪᖔᕐᐱᑦ. ᑕᑯᒋᐊᕐᓗᒍ ᓇᒻᒥᓂᖅ ᓴᐳᒻᒥᓂᖅ .

ᐁᑉᐸᕋᓕ ᐃᒣᓕᑉᐸᑦ…

“ᐅᓲᑉ ᐴᖓᓂᒃ ᐊᑐᕆᐊᒥᒃ ᐃᓱᐃᑦᑐᖅ.” ᑭᐅᓗᒍ:  “ᓄᓕᐊᕐᓂᑯᑦ ᐋᓐᓂᐊᑦ ᐱᐊᕋᑦᓴᑖᕋᓱᐊᕋᓂᓗ ᐱᐊᕋᑦᓴᑖᕐᓂᖅ ᐃᓱᐃᑦᑑᒥᔪᖅ. ᖃᐅᓯᓕᕐᑎᕆᐅᑎᒥᒃ ᐃᐊᑦᑑᓂᐊᕐᒪᑦ ᐊᑐᕈᓐᓇᑐᒍᒃ ᐅᓲᑉ ᐆᒐᑕ ᓯᓚᑖᒍᑦ.”
“ᐊᑕᐅᓯᐊᑐᐃᓐᓇᓗᓄᒃ ᖃᓄᐃᖕᖏᑐᖅ” ᑭᐅᓗᒍ: “ᐊᑕᐅᓯᐊᑐᐃᓐᓇᕋᓗᐊᕋᒥᒃ ᓄᓕᐊᕐᓂᑯᑦ ᐋᓐᓂᐊᑖᕈᓐᓇᑐᑦ ᐱᐊᕋᑦᓴᑖᕋᓱᐊᕋᑎᓪᓗ ᐱᐊᕋᑦᓴᑖᕈᓐᓇᓱᑎᒃ. ᐊᓯᐊᓂᖔ ᐊᑑᑎᓚᐅᕐᓗᒃ. ᑭᖑᓪᓕᒥ ᐋᓐᓂᐊᕕᒻᒥᑦ ᐅᓲᑉ ᐴᖏᓐᓂᒃ ᐁᑦᓯᒍᓐᓇᑐᒍᑦ ᖃᐅᓯᓕᕐᑎᕈᑎᓂᓪᓗ.”
“ᐅᕙᓐᓃᑦ ᓄᓕᐊᕐᓂᑯᑦ ᐋᓐᓂᐊᑖᕐᓂᐊᖑᕐᕿᑦ?” ᑭᐅᓗᒍ: “ᖃᐅᔨᒍᓐᓇᖁᒍᒃ ᖃᐅᔨᓴᕐᑕᐅᒍᓐᕗᒃ ᑭᓯᐊᓂ. ᑕᑯᑐᐃᓐᓇᓱᒍ ᖃᐅᔨᒪᓇᖕᖏᒪᑦ.”
“ᑭᓯᐊᓂ ᓇᓪᓕᒋᐅᑎᔪᒍᒃ!” ᑭᐅᓗᒍ: “ᑌᒣᒻᒪᑦ ᓴᐳᒻᒥᖃᑎᒌᑦᓯᐊᕆᐊᖃᕐᖁᒍᒃ! ᐅᓲᑉ ᐴᖓᓂᒃ ᐱᑕᖃᕐᖁᖓ - ᐊᑐᓚᐅᕐᓚᕘᒃ!”
“ᓄᓕᐊᖕᖑᑐᐊᕈᕕᖕᖓ ᐊᓯᓐᓂᖔᖅ ᕿᓂᓚᖓᕗᖓ.” ᑭᐅᓗᒍ: “ᓚᖓᓕᕐᖁᑎᑦ, ᓲᓲᒋᖕᖏᑯᕕᖕᖓ ᓴᐳᒻᒥᒍᒪᖕᖏᑯᕕᖕᖓ, ᑕᑰᑎᓛᕆᕗᒍᒃ.”