ᐃᑦᓯᒎᕐᓂᑯᑦ ᐱᓗᑲᑕᐅᓂᖅ

ᐃᑲᔪᕐᑎ

ᑐᑭᓯᒋᐊᕆᐊᓪᓚᕕᒃ

ᐊᖕᖔᓂᖅ

ᐊᖏᕐᓂᖅ ᑐᑭᑲᕐᐳᖅ ᐱᒍᓐᓇᓯᑎᑦᓯᓂᕐᒥᒃ ᐱᒍᓐᓴᐅᑎᑖᕐᓂᒥᓪᓗ. ᓄᓕᐊᕐᓂᒥ, ᐊᖏᕐᓂᖅ ᑐᑭᖃᕐᑐᖅ ᒪᕐᕉᒃ ᐃᓅᒃ ᓄᓕᐊᓚᖓᑦᓱᑎᒃ ᐊᖏᖃᑎᒌᑦᑑᒃ - ᐊᑦᑑᔭᕈᑎᓗᑎᒃ, ᑯᓂᐅᕐᓗᑎᒃ ᓄᓕᐊᕐᓗᑎᓪᓗ.

ᐊᖏᕐᓂᖅ ᓄᓕᐊᕐᓂᒥ ᐱᖓᓱᐃᓕᕿᖓᔪᖅ, ᓯᕗᓂᐊᒍᑦ ᐊᒻᒪᓗ ᓄᓕᐊᕐᓂᒥᓂ.

ᐊᖏᕐᑕᐅᒪᖔᕐᐱᑦ ᓄᓕᐊᕈᒪᓗᑎᑦ ᐃᓱᐊᕐᑐᖅ ᐊᓕᐊᓇᕐᑑᓱᓂᓗ.

  • ᐊᓕᐊᒋᔦᑦ ?
  • ᐃᒫᒃ ᐆᑦᑐᕈᒪᕕᑦ ?
  • ᐊᓕᐊᓇᕐᑑᖅ ?
  • ᖃᓄᑎᒌᒃ ᓄᓕᐊᕈᒪᕕᑦ ?

ᐊᖏᕐᑕᐅᖄᕆᐊᖃᕐᖁᑎᑦ ᐁᑉᐸᓄᑦ ᓄᓕᐊᓚᐅᕐᓇᒃ - ᑯᓂᐅᕐᓂᖅ, ᐊᑦᑑᔭᕐᓂᖅ ᓄᓕᐊᕐᓂᒥᓪᓗ.

“ᐋ” ᖃᓄᖅ ᑐᑭᖃᕐᐸ ᓂᐱᖃᕐᐸ ?

  • ᑐᑭᖃᑦᓯᐊᓱᓂ “ᐊᖏᕐᑐᖅ”
  • “ᐱᒋᐊᓪᓚ!”
  • “ᐊᑑᑎᒍᒪᑦᓯᐊᖁᖓ.”
  • “ᐋ ᕈᒪᑦᓯᐊᖁᖓ!”

“ᐊᐅᑲ” ᖃᓄᖅ ᑐᑭᖃᕐᐸ ᓂᐱᖃᕐᐸ ?

  •  “ᐊᐅᑲ”
  • “ᓄᕐᖃᕆᑦ”
  • “ᓱᕐᖁᐃᓱᑦᓯᐊᖏᑦᑐᖓ”
  • “ᐊᑦᓲᒃ”
  • “ᒫᓐᓇᐅᖏᑦᑐᖅ.”
  • “ᑭᖑᓪᓕᐹᒥ ᐊᓕᐊᒋᓚᐅᔭᕋ, ᑭᓯᐊᓂ ᒫᓐᓇ ᓄᓕᐊᕈᒪᖕᖏᓚᐅᑲᑦᑐᖓ.”
  • “ᐊᓕᐊᒋᑦᓱᒍ, ᑭᓯᐊᓂ ᑌᒫᖑᖕᖏᑐᖅ.”
  • ᐋᖓᔮᑦᑐᖅ, ᖃᐅᔨᒪᖏᕐᓯᒪᔪᖅ ᓯᓂᑦᑐᓗᓐᓃᑦ ᓄᓕᐊᕐᑕᐅᒋᐊᖃᖕᖏᑐᑦ
  • ᕿᐊᔪᖅ, ᓂᐯᑦᑐᑦ ᑲᒪᒋᔭᐅᒍᒪᖕᖏᑐᖅ.

“ᐊᖏᕐᑕᐅᒍᕕᑦ” → ᓄᓕᐊᕈᒪᑦᓯᐊᒪᖔᑦ ᖃᐅᔨᓴᑦᓯᐊᖏᓐᓇᓗᒍ. ᐁᑉᐯᑦ ᖃᖓᓕᒫᖅ ᓄᕐᖃᕈᒪᒍᓐᓇᑐᖅ, ᑐᑭᑖᕐᓂᖓ ᓲᓲᒋᒋᐊᖃᕐᑌᑦ.

“ᐊᐅᑳᕐᑕᐅᒍᕕᑦ” → ᓄᕐᖃᓗᑎᑦ ᓲᓲᒋᑦᓯᐊᓗᒍ ᓄᕐᖃᖁᔨᓂᖓ.

ᐊᖏᕐᓂᖅ ᐱᑕᖃᕆᐊᖃᓪᓚᕆᑦᑐᖅ - ᐊᑐᓂᑦ ᐃᓄᓐᓄᑦ ᐊᑑᑎᔪᓄᓪᓗ.

  • ᖃᑦᓯᓂᒃ ᐅᑭᐅᖃᕋᓗᐊᕐᐸᑦ, ᐊᕐᓇᐅᐸᑦ ᐊᖑᑎᐅᑉᐸᑦ ᐃᑦᓯᒎᕈᓯᖓᓗ.
  • ᐊᓐᓄᕌᖏᑦ ᐃᑦᓯᓇᕋᓗᐊᕐᐸᑕ ᐃᑦᓯᓇᖕᖏᑲᓗᐊᕐᐸᑕ.
  • ᐅᓐᓄᐊᓯᐅᕋᓗᐊᕐᐸᑦ ᐅᓪᓛᖑᒐᓗᐊᕐᐸᑦ
  • ᐃᓚᓐᓈᕆᒍᕕᐅᒃ, ᐁᑉᐸᕆᒍᕕᐅᒃ, ᐃᓪᓗᒥᐅᖃᑎᒋᒍᕕᐅᒃ, ᐊᖑᑎᒋᒍᕕᐅᒃ, ᐃᓚᓐᓈᓯᐊᕆᒍᕕᐅᒃ, ᓂᖏᐅᓱᒋᒍᕕᐅᒃ, ᐃᑦᑐᓱᒋᒍᕕᐅᒃ, ᑲᑎᒪᑲᓪᓛᓲᕆᒍᕕᐅᒃ, ᖃᐅᔨᒪᔮᕆᒍᕕᐅᒃ, ᖃᐅᔨᒪᔮᕆᖕᖏᑯᕕᐅᒃ, ᐁᑉᐸᖑᐊᕆᒍᕕᒃ, ᐊᓃᖃᑎᒋᒍᕕᐅᒃ
  • ᓄᓕᐊᕐᓗᑎᑦ ᓄᕐᖃᕈᒪᑉᐸᑦ
  • “ᐊᖏᕐᑕᐅᒍᕕᑦ” ᓄᓕᐊᕈᒪᓗᑎᑦ “ᐊᐅᑳᕐᑕᐅᓗᑎᓪᓗ” ᐊᓯᐊᓂᒃ ᐊᑑᑎᒍᒪᔭᕐᓂᒃ ᓲᓱᑦᓴᓯᐊᕆᐊᖃᕐᑐᑎᑦ

ᐊᖏᑉᑕᐅᓯᒪᒐᓂ ᓄᓕᐊᕐᓂᖅ ᖁᓄᔪᕐᓂᐊᓂᐅᔪᖅ. ᐱᖁᔭᒥᒃ ᓯᖁᒥᑦᓯᓂᐅᑦᓱᓂ.

  • ᑯᓂᐅᕐᑕᐅᒍᒪᖕᖏᑐᒥᒃ ᑯᓂᐅᕐᓂᖅ ᐊᑦᑑᔭᕐᓂᓗᓐᓃᑦ
  • ᒪᓕᑲᑦᑕᓂᓐᓂᖅ ᐅᕝ”ᓗᓗᓐᓃᑦ ᓱᓂᓕᒫᑦᓯᐊᖏᓐᓂᒃ ᖃᐅᔨᒪᒐᓱᐊᕐᓂᖅ
  • ᐃᑦᓯᒍᓱᓐᓂᒥᓂᒃ ᐅᖃᐅᓯᖃᕐᓂᖅ
  • ᐊᑦᔨᓕᐅᕆᓂᖅ ᐁᑦᑑᑎᖃᕐᓂᓗᓐᓃᑦ ᐅᓯᖕᖓᔪᖕᖑᐊᓂᒃ ᐊᑦᔨᖑᐊᓂᒃ
  • ᐊᔭᐅᕆᑦᓱᓂ ᓄᐊᓕᕐᓂᖅ (ᖁᓄᔪᕐᓂᐊᓂᖅ), ᐃᓚᐅᑎᓪᓗᒍ ᐋᖓᔮᑦᑐᒥᒃ ᓄᓕᐊᕐᓂᖅ, ᖃᐅᔨᒪᖏᕐᓯᒪᔪᒥᒃ ᐅᕝᕙᓗᓗᓐᓃᑦ ᓯᓂᑦᑐᒥᒃ
  • ᐅᑭᐅᖏᑦ ᓈᒻᒪᖏᑦᑐᓂᒃ ᓄᓕᐊᕐᓂᖅ

ᐊᖏᕐᑕᐅᒍᓐᓇᖏᑦᑐᑎᑦ ᖃᐅᔨᒪᖏᕐᓯᒪᔪᒧᑦ ᓯᓂᑦᑐᒧᓪᓘᓃᑦ.

ᕿᐊᑉᐸᑦ, ᓂᐯᑦᑑᐸᑦ ᑲᒪᒋᔭᐅᒍᒪᖕᖏᐸᓪᓘᓃᑦ ᐊᖏᕐᑕᐅᒍᓐᓇᖏᑦᑐᑎ. ᐅᖄᕕᒋᒍᓐᓇᑌᑦ ᓱᒻᒪᖔᑦ ᑐᑭᓯᒐᓱᐊᕐᓗᒍ.

ᐊᖏᕐᓂᖅ ᐁᑉᐸᕇᑦᓯᐊᓂᕐᒥ ᐱᒻᒪᕆᐅᔪᖅ. ᐆᑦᑐᕋᑦᓯᐊᓗᑎᑦ ᐊᐱᕆᓗᒍ-ᓈᓚᓪᓗᒍ-ᓲᓱᒋᓗᒍ ᐁᑉᐸᖃᕐᓂᓕᒫᕐᓂ - ᓄᓕᐊᕐᓂᑐᐃᓐᓇᐅᖏᑦᑐᒥ. ᑕᑯᓐᓇᕈᓐᓇᑌᑦ ᓀᑦᑐᖅ ᑕᑯᓐᓇᕋᑦᓴᖅ. ᑐᑭᓯᑎᑦᓯᒍᑎ ᖃᓄᐃᓘᕐᓗᑎᑦ ᐊᖏᕐᑕᐅᒍᓐᓇᒪᖔᕐᐱᑦ ᐆᑦᑐᕋᐅᑎᖃᕐᓱᑎᒃ ᑏᑐᕐᑎᓯᓂᕐᒥᒃ. ᐃᑦᔪᐊᑕᐅᑎᑦᓯᒌᒃᑯᑎ ©2015 Emmeline May ᐊᒻᒪᓗ Blue Seat Studios. ᓴᓇᒋᐊᖕᖓᑐᕕᓃᖅ.