ᐃᑦᓯᒎᕐᓂᑯᑦ ᐱᓗᑲᑕᐅᓂᖅ

ᐃᑲᔪᕐᑎ

ᑐᑭᓯᒋᐊᕆᐊᓪᓚᕕᒃ

  • ᐊᓂᕐᕋᖅ
  • ᓇᒻᒥᓂᖅ ᓲᓱᒋᓗᑎᑦ
  • ᖃᓄᐃᖕᖏᓯᐊᕐᑐᒥᒃ ᐁᑉᐸᕇᓐᓂᖅ

ᐊᑦᔨᒌᖕᖏᑐᑦ ᐁᑉᐸᕇᒍᓰᑦ

ᐃᓅᓯᑦᑎᓂ, ᐊᑦᔨᒌᖕᖏᑐᓂᒃ ᐃᓚᖃᕈᓯᖃᓱᖑᕗᒍᑦ. ᐊᑐᓂᑦ ᐃᓅᖃᑎᖃᕐᓂᕗᑦ ᖃᓄᐃᖕᖏᓯᐊᕐᑑᒍᓐᓇᑐᑦ ᖃᓄᐃᒍᓐᓇᓱᑎᓪᓗ. ᐃᓚᖏᓪᓗ ᐁᑉᐸᕇᓐᓃᑦ ᑕᒪᒋᓐᓂᒃ ᐱᑕᖃᕐᓱᑎᒃ.

ᐊᓕᐊᓇᕐᑐᐊᐱᒃ ᐱᑐᖃᑎᖃᕐᓱᓂ ᐃᓅᖃᑎᒥᓂᒃ. ᓄᓕᐊᕈᓐᓇᑐᖅ ᓄᓕᐊᖕᖏᑑᒍᓐᓇᓱᑎᓪᓗ.
ᐃᓚᓐᓈᕇᓐᓂᖅ ᓲᓱᒋᑦᓯᐊᑕᕐᓂᒃ ᐅᑉᐱᕆᔭᕐᓂᒃ ᓇᓪᓕᒋᔨᓐᓂᒃ.
ᐃᓚᒌᑦ (ᐊᓂᕐᕋᕆᓚᐅᕐᑐᑕᑎᑦ) ᐊᓈᓀᑦ, ᐊᑖᑌᑦ, ᐊᓃᑦ, ᓇᔦᑦ, ᐊᓈᓇᑦᓯᐊᑦ, ᐊᑖᑕᑦᓯᐊᑦ, ᐊᔦᑦ ᐊᑦᓭᑦ, ᐊᙰᑦ, ᐊᒃᑫᑦ, ᐊᓯᖏᓪᓗ ᐃᓚᑎᑦ.
ᐊᐅᓚᑦᓯᒍᓐᓇᐅᑎᓕᒃ ᐃᓕᓐᓂᐊᑎᑦᓯᔨ, ᐃᑲᔪᕐᑎ, ᐯᕐᓯᔨ, ᐱᖕᖑᐊᑐᓕᕆᔨ, ᐳᓖᓯ, ᐊᖓᔪᕐᖄᖅ, ᐋᓐᓂᐊᓯᐅᕐᑎ, ᕿᑐᕐᖓᓕᒃ ᐅᕝᕙᓗᓐᓃᑦ ᐃᓓᑦ ᐊᖓᔪᑦᓯᖅ, ᐊᔪᕿᕐᑐᐃᔨ, ᐊᓯᖏᓪᓗ. ᑕᑎᒋᒍᓐᓇᑌᑦ; ᐃᓄᒃ ᐃᓕᓐᓂᒃ ᐊᐅᓚᑦᓯᒍᓐᓇᕕᓕᒃ.

ᖃᓄᐃᖕᖏᓯᐊᕐᑐᒥᒃ ᐁᑉᐸᕇᑦ ᐃᒣᑦᑐᒥᒃ ᐱᐅᓯᖃᓲᖑᕗᑦ:

ᓲᓱᑦᓴᓂᖅ

ᓲᓱᑦᓴᓂᖅ ᐁᑉᐸᕇᓐᓂᐅᑉ ᑐᖕᖓᕕᓪᓚᕆᒋᕙᐅᒃ. ᓲᓱᑦᓴᓂᖅ ᐱᑦᓯᐊᓂᐅᕗᖅ ᐃᓅᖃᑎᒥᒃ ᐱᒻᒪᕆᐅᒋᐊᖏᓐᓂᓗ ᑕᑯᑦᓴᐅᑎᑦᓯᓂᐅᑦᓱᓂ ᐃᓪᓕᓇᕐᓂᖏᓐᓂᒃ.
ᐅᑉᐱᕈᓱᓐᓂᖅ ᐃᓄᒃ ᐃᓅᖃᑎᒥᓂᒃ ᐅᑉᐱᕆᔭᓕᒃ ᑕᑎᒋᒍᓐᓇᓯᐊᕐᓱᒍᓗ.
ᓱᓕᑦᓯᐊᓂᖅ ᐊᑐᓂᑦ ᐃᓄᐃᑦ ᑕᒻᒪᕆᐊᒥᒃ ᐅᖃᕈᓐᓇᐳᑦ ᐃᓅᖃᑎᒥᓂᓪᓗ ᑌᒣᒐᔭᕐᓂᖏᓐᓂᒃ ᓂᕆᐅᕝᕕᖃᕐᓱᑎᒃ. ᐃᓱᒪᒋᔭᒥᓂᒃ ᐅᖄᖑᓐᓇᓱᑎᒃ, ᐃᓅᖃᑎᒥᓄᓪᓗ ᒥᑕᐅᑕᐅᓂᐊᖕᖏᓂᕐᒥᓂᒃ ᓂᕆᐅᑦᓱᑎᒃ.
ᓴᐳᒻᒥᓂᖅ ᐃᓅᖃᑎᒌᒃ ᐃᑲᔪᕐᑎᒌᒍᓐᓇᑑᒃ ᐊᓕᐊᓇᕐᑐᖃᕐᑎᓗᒍ ᐊᓕᐊᓇᖕᖏᑐᖃᕐᑎᓗᒍᓗ.
ᓇᓪᓕᖁᐊᕇᓐᓂᖅ ᐃᓅᖃᑎᒌᒃ ᑐᑭᑖᕈᓐᓇᑑᒃ ᖃᓄᐃᓘᕐᓂᕆᓚᖓᔭᒥᓂᒃ ᑭᓇᒦᓐᓂᐊᓂᕐᒥᓂᓪᓗ. ᐊᑕᐅᓯᖅ ᑐᑭᑖᕐᑐᑑᒍᓐᓀᑎᓪᓗᒍ.
ᐃᒻᒥᒎᕐᑑᓂᒃ ᑭᓇᐅᓂᖃᕐᓂᖅ ᐃᓄᐃᑦ ᐊᑐᓂᑦ ᐃᓅᓯᓖᓐᓀᑦ - ᐃᓚᓐᓇᖃᕐᓱᑎᒃ, ᐃᓚᖃᕐᓱᑎᒃ, ᓱᖃᑦᓯᒍᓯᖃᕐᓱᑎᒃ - ᐃᓅᖃᑎᒥᓂᑦ ᐃᒻᒥᒎᕐᓱᑎᒃ. ᐃᓱᕐᕆᓯᐊᕐᓱᑎᒃ ᐁᑉᐸᖓ ᐁᓯᒪᑎᓐᓇᒍ ᐱᓇᓱᐊᕋᓗᐊᕋᒥᒃ, ᓱᖃᑦᓯᒍᑎᑐᖃᖏᓐᓂᒃ ᓄᑖᓂᓪᓗ ᐊᓯᖏᓐᓂᓗ ᐃᓅᖃᑎᖃᕐᓂᖏᓐᓂᒃ.
ᑐᓴᐅᒪᖃᑎᒌᑦᓯᐊᓂᖅ ᐁᑉᐸᒥᓂᒃ ᐅᖄᖃᑎᖃᑦᓯᐊᕈᓐᓇᓂᖅ ᓱᓇᓕᒫᓂᒃ ᐃᓘᓐᓇᓯᐊᖏᓐᓂᒃ ᖃᐅᔨᒪᑦᓱᓂ ᐃᕐᖃᑐᕐᑕᐅᓂᐊᖕᖏᓂᕐᒥᓂᒃ. ᓈᓚᑦᑕᐅᒋᐊᒥᓂᒃ ᐱᒻᒪᕆᐅᑎᑕᐅᒋᐊᒥᓂᒃ ᖃᐅᔨᒪᔪᖅ.
ᐊᓕᐊᓱᓐᓂᖅ ᐃᓅᖃᑎᐅᒍᓐᓇᑐᖅ, ᐊᓕᐊᓱᖃᑎᖃᕈᓐᓇᓱᓂ.
ᐊᑦᑕᓇᕐᑐᒦᖕᖏᓂᖅ ᐁᑉᐸᒥᓂᒃ ᐃᓱᕐᕆᒋᔭᓕᒃ; ᐊᑦᑕᓇᕐᑐᒦᖕᖏᒋᐊᒥᓂᓪᓗ ᖃᐅᔨᒪᑦᓱᓂ.

ᐁᑉᐸᕇᑦᓯᐊᖏᑦᑐᓄᑦ ᐱᐅᓯᐅᓲᑦ

ᓯᓐᓇᓂᖅ ᐊᓯᑎᓐᓂᒃ ᐃᓅᖃᑎᖃᕐᑎᓗᑎᑦ ᓯᓐᓇᒋᔭᐅᓂᖅ.
ᓂᐱᖕᖓᑲᓪᓚᓂᖅ ᑌᒪᖕᖓᓕᒫᖅ ᐃᓕᓐᓃᒍᒪᔪᖅ ᓲᕐᓗ ᓂᐱᖕᙰᓇᓕᒫᕐᑐᑎᑐᑦ.
ᐁᕙᐅᑎᓗᐊᕐᓂᖅ ᐃᓅᖃᑎᒌᒃ ᑌᒪᖕᖓᓕᒫᖅ ᐁᕙᐅᑦᑑᒃ.
ᐃᑉᐱᓂᐊᕐᓂᕆᔭᐅᔪᓂᒃ ᑲᒪᓱᖕᖏᓂᖅ ᐃᑉᐱᓂᐊᕐᓂᑎᑦ ᓱᖁᑕᐅᖕᖏᑐᐊᕐᒪᑕ ᓂᖕᖓᕋᓗᐊᕋᕕᓪᓗ ᓱᖁᑎᐅᒐᓂ.
ᑲᑉᐱᐊᓵᕆᓂᖅ ᑲᑉᐱᐊᓵᕐᑕᐅᒐᕕᑦ ᐊᐅᓚᑕᐅᑦᓱᑎᓪᓗ ᐱᒍᒪᔭᒥᓂᒃ ᐱᒐᓱᐊᕐᑐᒧᑦ ᐊᑑᑎᖑᒪᖕᖏᑕᕐᓂᒃ.
ᐊᔭᐅᕆᓗᐊᕐᓂᖅ “ᐊᐅᑳᕐᑕᐅᒐᓗᐊᕋᒥ” ᑲᔪᓯᑐᐃᓐᓇᑐᖅ ᓱᑎᑦᓯᒐᓱᐊᕐᓱᓂ ᐊᖕᖔᖏᒃᑲᓗᐊᕋᕕᑦ.
ᐸᓯᔭᑦᓴᐅᓂᖅ “ᐊᐅᑳᕐᓂᕋᕕᑦ” ᐃᓕᓐᓂᒃ ᐸᑦᓯᑎᖃᓕᕐᑐᖅ ᐊᓕᐊᓱᖕᖏᑑᑎᑦᓯᓕᕐᓱᓂ.

ᐁᑉᐸᕇᑦᓯᐊᖏᑦᑐᓂ, ᐁᑉᐸᖓ - ᓱᒃᑯᔨᐊᖃᕐᑎ - ᐊᐅᓚᑦᓯᓲᖅ ᐁᑉᐸᒥᓂᒃ ᐱᓗᑲᓐᓂᓂᕐᑎᒍᑦ.

ᑎᒥᒃᑯᑦ ᐋᓐᓂᑎᕆᓂᖅ

ᑎᓪᓗᐊᓂᑦᓱᓂ, ᐱᖑᔭᕐᓂᓱᓂ, ᐋᓐᓃᓱᓂ, ᐸᑎᑦᓱᒍ, ᑎᒍᒥᐊᑲᓪᓚᓱᒍ, ᑮᑦᓱᒍ, ᕿᑦᓱᓱᒍ, ᑐᑭᕐᓱᒍ ᐊᒻᒪᓗ/ᐅᕝᕙᓗᓗᓐᓃᖅ ᓱᒋᐊᕈᑎᖃᕐᓱᓂ ᐃᓅᖃᑎᒥᓂᒃ ᐋᓐᓃᓱᓂ.

ᐃᑉᐱᓂᐊᕐᓂᑯᑦ ᐱᓗᑲᓐᓂᖅ

ᑕᒪᓐᓇ ᐊᑑᑎᓲᖅ ᐊᑦᔨᒌᖕᖏᑐᑎᒍᑦ ᓱᓪᓗᐊᑑᔮᕋᓂᓗ. ᐃᓄᒃ ᐃᑉᐱᓂᐊᕐᓂᒥᒍᑦ ᓱᒃᑯᔨᐊᖅ ᖃᐅᔨᒪᓇᓪᓗᐊᓲᖑᖕᖏᑐᖅ ᑎᓪᓘᔮᖕᖏᒪᑦ, ᑭᓕᕐᓯᒪᒐᓂ, ᓯᖁᑦᑎᓂᐅᒐᑎᓪᓗ ᓴᐅᓂᖏᑦ ᕿᓕᖁᕋᓂᓗ.

  • ᓱᒃᑯᔨᐊᓕᒃ ᙯᒐᓪᓛᓂᓲᖅ, ᐊᑦᓯᑐᐃᖃᑦᑕᓱᓂ ᒥᑕᐅᑎᖃᕐᓱᓂᓗᓐᓃᑦ. “ᐃᓂᖁᓀᑦᑐᐊᓘᕗᑎᑦ ᖃᐅᔨᒣᑦᑑᓱᑎᓪᓗ! ᑭᓇᒧᓪᓘᓃᑦ ᓇᓪᓕᒋᔭᐅᒍᓐᓴᖏᓪᓚᑎᑦ!”
  • ᓱᒃᑯᔨᐊᓕᒃ ᑲᑉᐱᐊᓵᕆᓲᖅ ᐋᓐᓂᑎᕆᓚᖓᓂᕋᕐᓱᓂ, ᓇᓪᓕᒋᔭᒥᓂᒃ ᓇᒻᒥᓂᕐᓘᓃᑦ.
    “ᐊᕕᑐᐊᕈᕕᖕᖓ, ᐃᒻᒥᓂᒃ ᐋᓐᓂᐊᓚᖓᕗᖓ!”
    “ᐅᖃᕐᑕᑲᓂᒃ ᖏᑐᐊᕈᕕᑦ ᐃᔨᕐᑐᐊᑎᓐᓂᒃ ᐅᖃᕈᑎᖃᓚᖓᕗᖓ!”
  • ᓱᒃᑯᔨᐊᓕᒃ ᐃᓚᖓᓐᓈᖏᓐᓂᑎᑦᓯᑌᓕᓲᖅ ᐃᓚᖏᓐᓂᓗ, ᐊᓐᓄᕌᕆᔭᐅᖁᔭᒥᓂᓪᓗ ᐊᑐᕐᑕᐅᑎᑦᓯᓱᓂ, ᒪᓕᑲᑦᑌᓇᓕᒫᕐᓱᓂ, ᐅᖄᓚᑲᑌᓐᓇᓕᒫᕐᓱᓂ, ᓇᒻᒥᓂᖅ ᐱᕕᑦᓴᖃᕐᑎᓯᓚᐅᕐᓯᒪᒐᓂ.
    “ᓇᓪᓕᒋᑐᐊᕈᕕᖕᖓ ᐃᓚᓐᓈᑎᓐᓂᒃ ᐃᓚᑎᓐᓂᓗ ᑕᑯᕐᖃᔦᕆᐊᖃᕐᖁᑎᑦ. ᑭᖕᖒᒪᒋᔭᑐᐊᕆᒐᕕᖕᖓ.”
    “ᑭᓇᒨᑦ ᐱᐅᒋᔭᐅᑎᒐᓱᒃᑭᑦ ᐅᓕᑦᓯᒪᑦᓱᑎᑦ ?
    ᐊᓯᐊᓂᖔᖅ ᐊᑎᓚᐅᕆᑦ!”
  • ᓱᒃᑯᔨᐊᓕᒃ ᓯᓐᓇᑐᔪᕖᖕᖓᖅ ᓱᒐᓚᓲᖑᑦᓱᓂᓗ ᓯᓐᓇᓕᕐᑎᓯᒐᓱᐊᕐᓱᓂ.

ᑮᓇᐅᔭᑎᒍᑦ ᐱᓗᑲᑦᑕᐅᓂᖅ

ᐃᓅᖃᑎᒥᓂᒃ ᐁᑉᐸᒥᓂᒃ ᑮᓇᐅᔭᖃᕐᑎᓯᑦᑌᓕᓲᖅ; ᐱᓗᐊᕐᑐᒥᒃ ᕿᒪᑦᑕᐅᑌᓕᒍᒪᒧᑦ ᓈᒻᒪᖏᑦᑐᓂᒃ ᐁᑦᑐᐃᓱᓂ.

  • ᑮᓇᐅᔭᒃᑯᕕᖏᓐᓂᒃ ᐊᐅᓚᑦᓯᓱᓂ, ᑮᓴᐅᔭᕐᑕᖏᓐᓂᒃ ᐊᕐᓵᓂᖃᑦᑕᓱᓂ ᑮᓇᐅᔭᓂᓪᓗ ᐊᑐᕐᓂᓗᑦᓱᓂ - ᓴᕝᕓᖃᑦᑕᓱᓂ, ᐊᑭᓕᕆᐊᓕᓐᓂᒃ ᐊᑭᓕᕐᑐᐃᔨᐅᒐᓂ.

ᖃᕆᑕᐅᔭᑎᒍᑦ ᐱᓗᑲᓐᓂᖅ

Facebook-ᑯᑦ, Instagram-ᑯᑦ ᐊᓪᓚᖃᑦᑕᐅᑎᒍᑎᑎᒍᑦ ᐃᓚᓐᓈᖏᓐᓄᑦ ᐃᓚᖏᓐᓄᓗ ᐱᑐᑦᓯᒪᑎᑦᓱᒍ. ᑖᒃᑯᓂᖓᓗ ᓱᒃᑯᔨᐊᖃᕈᑎᒋᑦᓱᒋᑦ ᐊᑐᕐᖃᑦᑕᓱᓂ. ᐊᓯᒥᓂᒃ ᑲᒪᑦᓱᓂ - ᐅᖄᓚᐅᑎᖏᓐᓂᒃ ᖃᐅᔨᒐᓱᐊᕐᓱᓂ ᓄᐃᑕᑎᑦᓯᒍᑎᖏᓐᓂᓗ.

  • “ᑭᓈ ᒫᓂ” ᓱᒐᒥ ᐊᑦᔨᖑᐊᑎᓐᓂᒃ ᐱᐅᑦᓭᓇᓕᒫᕐᑐᖅ ᓄᐃᑦᓯᑐᐊᕋᕕᑦ?”
  • “ᐅᖄᓚᐅᑎᑉᐱᑦ ᒪᑐᐃᕈᑎᖓ ᙯᒍᒃ.” “ᓱᒨᑦ?” “ᓱᒧᑦ ᙯᑦᑌᓕᔦᑦ ?” ᐃᔨᕐᑐᐊᖃᕐᖀᑦ ?”
  • “ᐁᑉᐸᕋᓄᑦ ᐊᓐᓄᕃᑦᑐᖑᐊᒥᒃ ᑎᑭᑎᑦᓯᕕᐅᕋᑖᕐᖁᖓ. ᐃᓚᓐᓈᓕᒫᒃᑲᓄᑦ ᐊᐅᓪᓚᑎᓯᔭᕋ!” “ᖃᐅᔨᒪᔫᖅ” “ᖃᐅᔨᒪᔪᒃᑯᐊᓘᒃ!”

ᐊᑦᔨᖑᐊᓂᒃ ᐊᓐᓄᕃᑦᑐᓂᒃ ᑕᑯᕙᐅᑎᑦᓯᓂᖅ ᐱᖁᔭᕐᒥᒃ ᓯᖁᒥᑦᓯᓂᐅᔪᖅ ᐅᑭᐅᑭᑦᑑᑐᐊᕐᒪᑕ ᐊᑦᔨᖑᐊᒦᑦᑐᑦ. ᐊᑦᔨᓕᐊᕕᓂᕐᒧᓗ ᐊᖏᕐᑕᐅᓯᒪᒐᓂ ᐊᐅᓪᓚᑎᑦᓯᓂᖅ ᐱᖁᔭᒥᒃ ᓯᖁᒥᑦᓯᓂᐅᒻᒥᓱᓂ.