TaiguqhimmaaritNuliqinikkut kangiqhidjutit aalangayuq inungmin qanurinianun naunaiyautaanun. Nuliqinikkut kangiqhidjutit pidjutauyut inuup mihingnautikkut nuliqinikuluuniin piumaniq aalanun. Amigaitunun inungnun, nuliqinikkut kangiqhidjutit aalanguniaqtut qakugu. Naunaiyautait naunaiyariangini nuliqinikkut kangiqhidjutit ilauyut:
| Idjuhikkut (arnat angutautiqaqtut angutinik) | Piumaluaqtut inungnik arnat angutinik. |
| Angut angunmik angutautiqaqtuq | Piumaluaqtut inungnik aadjikutaminik qanurinianun. |
| Arnaq arnautiqaqtuq arnamik | Arnat kitut piumaluaqtut arnanik. |
| Tamainun piqatiqarumayuq | Piumayuq inungnik tamangnik qanuriniinun. |
| Piumayuq quyaginaq qanuriniinik | Piumayuq kimut quyaginaq qanuriniitigut. |
| Nuliqinirmun ihumangituq | Nuliqinirmun piumangituq kimuliqaak. |
Angiklivallianirmun, inulramiit atulirniaqtut nuliqinirmun mihingnautinik. Inulramiit iliturivalialiqhugit hapkua mihingnautit, piumaniaqtut inungnun qanurinirminun aalamunluuniin qanuriniqaqtumun. Una naunaiyautigingitaa tamna inuk ihuaqtumik idjuhiqaqtuq, angut angumik angutautiqarumayuq, quyaginaqluuniin. Inirninguqpaliagumik, iliturivaliablutik nakuutqiamiklu kangiqhimaliqhutik inmi nuliqinikkut kangiqhidjutitik.
Ilangit inuit nuliqingitut, kitut atuqhimanginiaqut nuliqinirmun piumanirmun, ilauyumangitutiklu nuliqinirmun hulidjutinun. Kihimi, atuqhimaniaqtut piqpaginikkut piumanirmik unaluuniin mihigimalutik qanitqiatigut aalanun inungnun. Ilangit inuit quyaginaq nuliqiyumayut, kitut angmaumayut piqatigiingnirmun ilaublugit quyaginaq aalakiit inuit, arnainaungitunun angutainaungitununluuniin.
Inuit piyaghanik pihimangitut inmi nuliqinikkut kangiqhidjutitik ilauyuq kinaungmangaatigut. Ikayuqtauyumaguvin, pulaaqlugu (atadjutaa una “nuliqinikkut ikayuut” ikayuutinun makpiraat).
LGBTQ+ atuqtauvaktuq naituq tapkua inuit takuhimavaktaat hivuani. Titirauhiit naunaiyautaa arnaq arnamik arnautiqaqtuq, angut angunmik angutautiqaqtuq, quyaginaq nuliqiyuq, amigaitunik, aalangayuqluuniin. Una + naunaitkut pidjutauyuq anginirharmun aalakiinun nuliqinirmun qanuriniillu tapkua ilaungitut nautinik titiqqani. Amigaitut inuit atuqtaat tainiq queer ikayuutauyuq tainirmun naunaiyariangini quyaginaq nuliqinirmun qanuriniiluuniin tapkua idjuhiqangitut aalangayuluuniin. Tainiq Ally atuqtauyuq inungnun kitut uqaudjiyut (ikayuqtauyumablutik) pilaarutinun nuliqinirmun qanuriniillu aalangayut inuit.
Inugiangnirni, LGBTQ+ inuit mihingnautiqaqtuq aghuuqhanirmun idjuhitik atuqlugit. Qingimadjitugut iiqhimablugulu nuliqinirmun kangiqhidjutitik qanuriniillu taimaali pitquhikkut inuillu idjuhiitigut. Ilangit ilagiit nunallaaallu, inuit pitiangitut, inuglugiblugit, ningaqhugiluuniin hapkua LGBTQ+ inuit.
Aghuungnaqtuq pitiaqlugit ikayuqlugillu tamaita inuit qanuritkaluaqtilugit nuliqinikkut kangiqhidjutait qanuriniillu naunaiyautait.
Kanguhuguiqpalianiq idjuhiagut iliturinirmun naamagilugulu nuliqinikkut kangiqhidjutaa ilauliqlugu ilituriniq inuuhirminun, ilauyut uqautigilugit aalanun inungnun piumagumik. Kanguhuiqpalianiq haffumunga LGBTQ+ irhiurutauyuq hapirnaqturlu, nalunarnirmun inungnin qanuriliunirutainun. Kanguhuguiqpalianiq pidjutauyuq inmi-ihuariliqluni.
Inuit ilitpaliayut pitiaqlugit angmaumayumiklu tamainun nuliqinikkut kangiqhidjutait qanuriniilu idjuhiit. Ikayuqlugit ilagiit, ilanat, nunallaallu ihariagiyauyut havaklugit qayangnaitumik ilauqatigiingnirmunlu inugiangnirni. Ilituritiarumagupkit ikayuutit ilauyut kanguguhuiqpalianirmun nuliqinirmunlu, pulaaqlugu (atadjutaa uikununga “nuliqinikkut ikayuutit” ikayuutinun makpirniit.