ᐱᕈᕐᐸᓕᐊᓂᕐᒥ ᐊᓯᑦᔨᓂᒃᑰᓂᖅ

ᐃᑲᔪᕐᑎ

ᑐᑭᓯᒋᐊᕆᐊᓪᓚᕕᒃ

ᐱᕈᕐᐸᓕᐊᓂᕐᒥ ᐊᓯᑦᔨᓂᒃᑰᓂᖅ

ᐅᓂᒃᑲᐅᓰᑦ ᓱᓕᔪᓪᓗ

ᑐᑭᓯᒋᐊᕆᐊᓪᓚᕕᒃ

ᐱᕈᕐᐸᓕᐊᓂᕐᒥ ᐅᑉᐱᕈᓯᖕᖑᐊᑦ ᓱᓕᔪᓪᓗ

ᐅᑉᐱᕈᓯᖕᖑᐊᖅ: ᐊᕐᓇᖅ ᐊᐅᖃᑐᐊᕈᓂ ᐳᐃᑦᔪᕋᕈᓐᓇᖏᑦᑐᖅ, ᐅᓪᓚᒍᓐᓇᖏᑦᑐᖅ, ᐊᓯᖏᓐᓂᓗ.
ᓱᓕᔪᖅ: ᐊᕐᓇ ᐊᐅᖃᕐᓂᒥᓂ ᐱᐅᓯᕆᓲᒥᓂᒃ ᐊᑑᑎᒍᓐᓇᑐᖅ. ᐃᙯᓕᓴᕈᓂ ᓈᓕᕆᖕᖏᓂᕐᓴᐅᒍᓐᓇᑐᖅ ᑲᕙᖕᖏᓂᕐᓴᐅᓗᓂᓗ. ᑲᐅᑎᑎᒐᕐᒥᒃ ᐊᐅᓈᕇᒃᑯᑎᓯᒪᓗᓂ ᐃᕐᖑᓯᕐᒥᓗᓐᓃᑦ ᐳᐃᑦᔪᕋᓕᕈᓂ.

ᐅᑉᐱᕈᓯᖕᖑᐊᖅ: ᐊᐅᓈᕐᑑᑉ ᐊᐅᖓ ᓴᓗᒣᑦᑐᖅ
ᓱᓕᔪᖅ: ᐊᐅᓈᕐᑑᑉ ᐊᐅᖓ ᐊᐅᖓᑕ ᐊᑦᔨᑐᐃᓐᓇᖓ ᕿᖓᒃᑯᑦ ᐊᐅᓈᕋᔭᕐᐸᑦ ᑭᓕᕋᔭᕐᐸᓗᓐᓃᑦ. ᐊᕐᓇᐅᑉ ᑎᒥᖓᑕ ᐱᐅᓯᑐᐃᓐᓇᖓ.

ᐅᑉᐱᕈᓯᖕᖑᐊᖅ: ᓱᕈᓰᑦ ᓯᓂᑦᓱᑎᒃ ᖃᐯᑐᐊᕋᒥᒃ ᐱᐅᓯᕐᓲᑎᐅᖕᖏᑐᖅ.
ᓱᓕᔪᖅ: ᑕᒪᓐᓇ ᐱᐅᓯᑐᐃᓐᓇᖅ - ᓯᓐᓇᑑᒪᒥᒍᑦ ᐊᑑᑎᓲᖅ ᐅᕝᕙᓗᓗᓐᓃᑦ “ᓯᓐᓇᑑᒪᑦᓱᓂ ᖃᐯᕐᑐᖅ”. ᑕᒪᓐᓇ ᐊᑑᑎᒍᓪᓕᐅᓲᖅ ᓱᕈᓯᖅ ᓄᓕᐊᕐᓱᓂ ᓯᓐᓇᑑᒪᑎᓪᓗᒍ.

ᐅᑉᐱᕈᓯᖕᖑᐊᖅ: ᐊᕐᓇᖅ ᐱᐊᕋᑦᓴᑖᕈᓐᓇᖏᑦᑐᖅ ᐊᐅᖃᕐᓗᓂ ᓄᓕᐊᕈᓂ
ᓱᓕᔪᖅ: ᐊᕐᓇᖅ ᐱᐊᕋᑦᓴᑖᕈᓐᓇᑐᖅ ᖃᖓᓕᒫᑦ ᓄᓕᐊᕈᓂ ᐱᐊᕋᕐᑖᕇᒃᑯᑎᖃᖕᖏᓗᓂ. ᖃᐸ ᐅᓪᓗᓂᒃ ᑕᓪᓕᒪᓂᒃ ᐃᓅᒍᓐᓇᑐᖅ ᐊᕐᓇᐅᑉ ᑎᒥᖓᓂ ᒪᓐᓂᖓᓗ ᐊᑐᐃᓐᓇᐅᒍᓐᓇᓱᓂ ᐊᐅᖃᕋᓗᐊᕈᓂ. ᖃᐸᓪᓗ ᒪᓐᓂᓗ ᑲᑎᑐᐃᓐᓇᕆᐊᓖᒃ. ᓄᓕᐊᖃᑦᑕᑑᒃ - ᐊᖑᑎ ᐊᕐᓇᓗ, ᐱᐊᕋᑦᓴᑖᕈᒪᖕᖏᑯᑎᒃ, ᐱᐊᕋᕐᑖᕇᒃᑯᑎᖃᕆᐊᖃᕐᑑᒃ.

ᐅᑉᐱᕈᓯᖕᖑᐊᖅ: ᐊᕐᓇᖅ ᖃᐅᑎᒐᕐᒥᒃ ᐊᐅᓈᕇᒃᑯᑎᖃᓲᖑᒍᓂ ᐊᑦᑐᑕᐅᒻᒣᑑᒍᓐᓀᑐᖅ
ᓱᓕᔪᖅ: ᐊᑦᑐᑕᐅᒻᒣᑐᖅ ᐊᖑᑎ ᐊᕐᓇᓗᓐᓃᑦ ᓄᓕᐊᓚᐅᕐᓯᒪᖕᖏᑐᖅ. ᖃᐅᑎᒐᕐᒥᒃ ᐊᐅᓈᕇᒃᑯᑎᖃᕐᓂᖅ ᓄᓕᐊᕐᓂᐅᑉ ᐊᑦᔨᒋᖕᖏᑕᖓ.

ᐅᑉᐱᕈᓯᖕᖑᐊᖅ: ᐅᓱᒃ ᓴᐅᓂᓕᒃ.
ᓱᓕᔪᖅ: ᐅᓱᒃ ᑎᑦᓴᓕᑐᐊᕐᒪᑦ “ᓯᑦᑕᓯᒪᓂᕋᓲᕗᑦ”, ᑭᓯᐊᓂ ᐅᓱᒃ ᓴᐅᓂᖃᖕᖏᑐᖅ. ᐊᐅᑦᑕᓯᑐᐊᕋᒥ ᐅᓱᒃ ᑎᑦᓴᓕᓲᖅ.

ᐅᑉᐱᕈᓯᖕᖑᐊᖅ: ᐊᖑᑎᐅᑉ ᐅᓱᖓ ᐊᒡᒐᒋᑦᑕ ᐃᑎᒐᒋᑦᑕᓗ ᑌᒣᒃᑯᐊᖓ
ᓱᓕᔪᖅ: ᐅᓲᑉ ᐊᖏᓂᖓ ᒪᓕᖕᖏᑐᖅ ᐊᖑᑎᐅᑉ ᐊᒡᒐᒋᑦᑕ ᐃᑎᒐᒋᑦᑕᓗ ᐊᖏᓂᒋᓐᓂᒃ.

ᐅᑉᐱᕈᓯᖕᖑᐊᖅ: ᐃᑕᑦᓴᓕᓐᓂᒃ ᐊᐅᑯᓗᒻᒥᓗᓂᕆᓂᖅ ᖁᐱᕐᕈᑕᕐᓇᑐᖅ ᑮᓇᒃᑯᑦ ᑎᒥᒃᑯᑦ
ᓱᓕᔪᖅ: ᐱᕈᕐᐸᓕᐊᓂᕐᒥ, ᑎᒥᐅᑉ ᑎᓕᐅᕆᒍᑎᖏᑦ ᐅᕐᓱᖃᕐᓂᓴᐅᓱᖑᒻᒪᑕ ᐅᕕᓂᒻᒥ ᑕᒪᓐᓇ ᖁᐱᕐᕈᑖᓚᕿᒍᑎᐅᓲᖅ ᐱᑕᑦᓴᖃᓗᐊᕐᑐᖏᑦᑐᑦ ᓂᕆᔭᑎᐅᖕᖏᑐᖅ. ᖃᐅᑕᒫᑦ ᐱᑕᑦᓴᖃᓗᐊᕐᑐᓂᒃ ᓂᕆᖃᑦᑕᕈᕕᑦ ᐊᓯᖓᒍᑦ ᐋᓐᓂᐊᓕᕈᓐᓇᑐᑎᑦ ᓂᕆᑦᓯᐊᕆᐊᖃᕐᓂᖅ ᐱᒻᒪᕆᐅᔪᖅ.