ᓄᓕᐊᕐᓂᒥ ᐅᑉᐱᕈᓯᖕᖑᐊᑦ ᓱᓕᔪᓪᓗ

ᐅᑉᐱᕈᓯᖕᖑᐊᖅ: LGBTQ ᐱᐅᓯᕐᓱᓯᐊᖕᖏᑐᑦ
ᓱᓕᔪᖅ: ᐊᑐᓂᑦ ᐃᓄᐃᑦ ᐊᑦᔨᒌᖑᖕᖏᑐᑦ: ᓇᓪᓕᐊᖑᒐᓗᐊᕐᐸᑦ ᓄᓕᐊᕐᓂᑯᑦ ᖃᓄᐃᑦᑑᓂᖓ ᓄᓕᐊᕐᓂᑯᑦ ᓱᓇᐅᓂᖓ ᐱᐅᓯᑐᐃᓐᓇᖅ ᓲᓱᒋᔭᐅᔪᑦᓴᐅᓱᓂᓗ.

ᐅᑉᐱᕈᓯᖕᖑᐊᖅ: ᐊᖓᔪᕐᖄᕆᔭᐅᔫᒃ ᐱᐊᕋᕐᒥᓂᒃ ᒪᓂᓪᓚᑎᖕᖑᑎᑦᓯᓲᒃ, ᙯᕋᔪᐊᑦᑎᖑᕐᑎᓯᓲᒃ ᑕᒪᓕᖕᖑᑎᑦᓯᓲᑦ.
ᓱᓕᔪᖅ: ᓇᓪᓕᑳᓲᖑᖕᖏᑐᑦ ᖃᓄᐃᑦᑑᓂᐊᕐᓂᒥᓂᒃ. ᐱᐅᓯᑐᐃᓇᖅ ᑭᓇᐅᓂᕗᑦ.

ᐅᑉᐱᕈᓯᖕᖑᐊᖅ: ᓄᓕᐊᕐᓂᑯᑦ ᖃᓄᐃᑦᑑᓂᕐᓂᒃ ᐊᓯᑦᔩᒍᓐᓇᑐᑎᑦ.
ᓱᓕᔪᖅ: ᐃᓄᒃ ᓄᓕᐊᕐᓂᑯᑦ ᖃᓄᐃᑦᑑᓂᕐᒥᓂᒃ ᐊᓯᑦᔩᒍᓐᓇᖏᑦᑐᖅ. ᐊᖑᑏᑦ ᐊᕐᓇᓂ ᐊᖑᑎᓂᓪᓗ ᓄᓕᐊᓲᑦ ᓇᓪᓕᑳᒍᓐᓇᑐᑦ ᐊᕐᓀᑦ ᐊᖑᑎᓂᒃ ᐊᕐᓇᓂᓪᓗ ᓄᓕᐊᓲᑦ ᓇᓪᓕᑲᒍᓐᓇᑐᑦ; ᙯᕋᔪᐊᑦᑎ ᒪᓃᓪᓚᑎ ᐊᖑᑎᒥᒃ ᐊᕐᓇᒥᓪᓘᓃᑦ ᓄᓕᐊᕈᓐᓇᒥᔪᖅ.

ᐅᑉᐱᕈᓯᖕᖑᐊᖅ: ᐱᐅᔫᕚ ᐅᖃᐅᓯᕐᓗᓂ ᐊᑐᕆᐊᒥᒃ “ᓱᓇᐅᓪᓗᐊᖏᑦᑐᖅ” ᐊᒻᒪᓗ “ᐱᐅᑦᓯᐊᖏᑦᑐᖅ”
ᓱᓕᔪᖅ: ᑖᒃᑯᐊ ᐅᖃᐅᓰᑦ ᐋᓐᓂᓇᕐᑐᑦ, ᐃᔪᕐᓵᕋᓗᐊᕈᕕᑦ. ᓇᐅᒥᓪᓘᓃᑦ ᓵᓚᕐᖄᖑᔪᖃᕆᐊᖃᖕᖏᑐᖅ.

ᐅᑉᐱᕈᓯᖕᖑᐊᖅ: ᐃᑦᓯᒎᓐᓂᑯᑦ ᖃᓄᐃᑦᑑᓂᖅ ᐁᑦᑑᐱᔦᒍᑎᐅᒍᓐᓇᑐᖅ
ᓱᓕᔪᖅ: ᐃᓅᓕᓲᖑᕗᑎᑦ ᐃᑦᓯᒎᕐᓂᑯᑦ ᖃᓄᐃᓕᖓᓂᖃᕇᕐᓱᑎᑦ. “ᐁᑦᑐᑕᐅᒍᓐᓇᖏᑦᑐᑎᑦ” ᐱᐅᓯᕐᓱᓂᕐᒥᒃ, ᙯᕋᔪᐊᑦᑎᐅᓂᕐᒥᒃ ᒪᓃᓪᓚᑎᐅᓂᕐᒥᒃ ᑕᒪᓕᐅᓂᕐᒥᓗᓐᓃᑦ.

ᐅᑉᐱᕈᓯᖕᖑᐊᖅ: ᐊᑐᓂᑦ ᖃᐅᔨᒪᔪᐃᓐᓇᐅᔪᑦ ᐃᑦᓯᒎᕐᓂᒥᒍᑦ ᑭᓴᐅᓂᕐᒥᓂᒃ ᖃᓄᐃᓕᖓᒍᒪᔭᒥᓂᓪᓗ ᐅᑭᐅᖏᑦ ᒪᓕᑦᓱᒋᑦ
ᓱᓕᔪᖅ: ᐃᓚᖏᑦ ᖃᐅᔨᒪᓲᑦ ᐃᑦᓯᒎᕐᓂᒥᒍᑦ ᖃᓄᑦᑑᓂᕐᒥᓂᒃ ᖃᓄᐃᓕᖓᓂᕐᒥᓂᒃ ᐱᐊᕋᐅᖏᓐᓇᓱᑎᒃ. ᐊᓯᖏᑦ ᐊᑯᓂᐅᓂᕐᓴᖅ ᖃᐅᔨᒐᓱᐊᓲᑦ. ᐱᕕᑦᓴᖓ ᐅᓇᑕᒡᒑᓗᑯᑦᓯᒪᖕᖏᑐᖅ. ᐊᑦᔨᒌᖕᖏᑐᐃᓐᓇᓯᐊᖑᔪᒍᑦ ᖃᓄᐃᒐᓂᓗ. ᒪᓃᓪᓚᑎᑦ, ᙯᕋᔪᐊᑦᑎ, ᓯᐱᓯᒪᔪᑦ ᐊᑯᓂ ᐃᑦᓯᒎᕐᓂᑯᑦ ᑭᓇᐅᓂᕐᒥᓂᒃ ᖃᓄᐃᓕᖓᓂᕐᒥᓂᒃ ᐊᑑᑎᓲᖑᖕᖏᑐᑦ ᖃᐅᔨᒪᒐᑎᒃ ᖃᐅᔨᒪᔭᐅᑎᒐᑎᓪᓗ, ᑐᓵᒐᒥᒃ ᑕᑯᖃᑦᑕᓱᑎᓪᓗ ᐱᐅᓯᖃᑦᓯᐊᕈᑎᐅᖕᖏᓂᖓᓂᒃ ᐃᓚᒥᓄᑦ, ᐃᓚᓐᓈᒥᓄᑦ ᓄᓇᓕᒻᒥᓄᓪᓗ.